“Yandex”in ilk robot-kuryeri Cənubi Koreyada - ednews.net

26 May, Cümə axşamı

(+994 50) 229-39-11

“Yandex”in ilk robot-kuryeri Cənubi Koreyada

Elm və texnologiya A- A A+

Rusiyanın “Yandex” şirkəti bu il Seulda kuryer robotlarla çatdırılma həyata keçirməyi planlaşdırır. Bununla bağlı Cənubi Koreya şirkəti ilə artıq müvafiq saziş də imzalanıb.

EDNews xəbər verir ki, bu barədə internet holdinqin mətbuat xidməti məlumat yayıb.

"Yandex"in pilotsuz texnologiyalar üzrə rəhbəri Dmitri Polişçuk qeyd edib ki, onlar "KT Corporation" ilə Şərqi Asiyanın məşhur paytaxtında avtonom robotların işinin təşkili ilə bağlı razılığa gəliblər. Cənubi Koreya isə çatdırılma xidmətinə olan tələbata görə dünyada ilk yerlərədən birini tutur.

-"KT" ilə əməkdaşlıq bizə robotlarla çatdırılma xidmətimizin coğrafiyasını genişləndirməyə və onu yeni regionda işə salmağa imkan verəcək, - Polişçuk deyib.

"KT"-nin süni intellekt biznesinin inkişafı və rəqəmsal transformasiya üzrə vitse-prezidenti Song Jae-ho isə bildirib ki, bu saziş tərəflərə Koreyada avtonom qaydada çatdırılma xidmətini birgə inkişaf etdirməyə imkan verəcək.

Qeyd edək ki, "KT" Corporation Cənubi Koreyanın ən böyük telekommunikasiya operatorlarından biridir. O, yerli sakinləri mobil və stasionar telefon, genişzolaqlı internet, peyk və digər həllər ilə təmin edir.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...