Facebook kontentini dəyişir mi? - Xəbər paylaşmaq mümkün olmayacaq - ednews.net

27 Yanvar, Cümə

(+994 50) 229-39-11

Facebook kontentini dəyişir mi? - Xəbər paylaşmaq mümkün olmayacaq

Elm və texnologiya A- A A+
Meta, ABŞ Konqresinin media qanun layihəsini təsdiqlədiyi təqdirdə Facebook-dan xəbər məzmununu silə biləcəyini açıqladı. 

Ednews xəbər verir ki, qanun layihəsi xəbər təşkilatlarına Facebook-da paylaşılan məzmuna görə ödənişləri müzakirə etmək üçün daha çox səlahiyyət verir.

Oxşar qanun Avstraliyada da qəbul edilib və Facebook-un xəbər məzmununu müvəqqəti olaraq silinməsinə səbəb olub. Facebook-un qurucu şirkəti Meta, platformanın faktiki olaraq ayaqda qalmaq üçün mübarizə aparan xəbər təşkilatlarına dəstəyi təmin etdiyini vurğulayıb.

Meta rəsmiləri isə xəbəri Facebook-da paylaşmağın "şirkətin maraqlarına uyğun olduğunu" deyirlər.

Jurnalist Rəqabəti və Mühafizəsi Aktı (JCPA) adlanan qanun layihəsi Minnesota senatoru Emi Klobuçar tərəfindən Konqresə təqdim edilib və hər iki partiya tərəfindən dəstəklənib.

Qeyd edək ki, qanun layihəsi xəbər məzmunu istehsalçılarının Facebook-da paylaşılan xəbərlərin reklamlarından daha çox pay almaq üçün sövdələşmələri gücləndirir.

Xəbər təşkilatları Meta-nın xəbər və məqalələrindən böyük miqdarda reklam gəliri əldə etdiyini iddia edirlər. Xüsusilə pandemiya dövründə kiçik miqyaslı xəbər təşkilatları fəaliyyətini davam etdirmək üçün mübarizə apararkən, Meta istehsal etdikləri məzmundan çox ciddi reklam gəliri əldə edib.

"Əgər bu qanun layihəsi Konqresdən milli təhlükəsizlik qanununun bir hissəsi kimi qəbul edilərsə, biz xəbərləri platformamızdan tamamilə silməli olacağıq",- deyə META sözçüsü bilditib.

ABŞ-dakı qanun layihəsi böyük texnoloji firmaların gücünü pozmaq üçün hazırlanmış daha geniş qanunlar dəstinin bir hissəsidir.

JCPA tərəfdarları qanun layihəsinin qəbul edilmədiyi təqdirdə sosial medianın "Amerikanın de-fakto yerli qəzeti" olacağını deyirlər.

 
Nəzrin Beydiyeva


Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...