Microsoft ilk dəfə Windows 11-i 2021-ci ildə təqdim etdi. Təqdim olunduqdan sonra çoxlu yeniləmələr alan və indi Copilot kimi süni intellekt xüsusiyyətlərinə sahib olan Windows 11 gələn ilə qədər köhnələ bilər. 

Ednews shiftdel nəşrinə istinadən xəbər verir ki, Windows-un yeni versiyası üçün hazırlıqlar tamamlanıb. Microsoft 2024-cü ilin iyununda Windows 12-ni təqdim edəcək. Acer İdarə Heyətinin sədri Junsheng Chen və Quanta Computer qurucusu Barry Lam bu iddianı dəstəkləyiblər. Hər iki sənaye rəhbəri Windows 12-nin gələn ilin yayında buraxılacağını gözləyirlər . Microsoft hələ Windows 12 üçün rəsmi açıqlama verməsə də, 2024 kimi bir tarix olduqca erkən ola bilər. Məsələn, Windows 10 2015-ci ildə, Windows 11 isə 2021-ci ildə təqdim edilib. Microsoft yeni əməliyyat sistemində süni intellekt xüsusiyyətlərini vurğulayacaq. O, hətta Intel Core Ultra kimi yeni prosessorlarda inteqrasiya olunmuş süni intellekt həllərini dəstəkləyərək masaüstü kompüterdə yeni təcrübə təqdim edəcək.

Bundan əlavə, bir müddət əvvəl ortaya çıxan məlumat Microsoft-un abunə əsaslı sistemə keçə biləcəyini ortaya qoydu. Canary kodlarına daxil edilmiş abunə versiyası; “Cihaz Əsaslı Abunəlik” və “İstifadəçi Əsaslı Abunəlik” kimi təyin olunan ifadələri ortaya qoydu.

Xəyal Ramiz