Xəbər verdiyimiz kimi, "Apple" şirkəti "Vision Pro" adlı qarışıq reallıq eynəyinin yeni versiyasını təqdim edib. Yeni cihaz sosial şəbəkələrdə gündəmə səbəb olub. Yaxın gələcəkdə insanların bu cihazı istifadə etməsi, cəmiyyətimizdə də populyarlaşacağı zamanın olacağını nəzərə alsaq dünya yeni virtual platformanın məkanına çevirləcək. Bəs yaxşı bu cihazın trend olması kütlələrə necə təsir edəcək?
Mövzu ilə bağlı Ednews-a açqılamasında sosioloq Lalə Mehralı bildirdi ki, bütün texnoloji yeniliklər əslində insana xidmət etmək məqsədi daşıyıb başlanğıcda, amma bir müddət sonra insan texnoloji yeniliyin əsirinə çevrildi:
"Telefonu götürək adicə, hamımızın özümüzə yapışıq gəzdirdiyimiz telefonumuzun mahiyyəti nədir? İlk ixtira olunanda məqsəd nə olub? Zəng etmək, zəng cavablamaq. Xəbərləşmək yəni. Amma yeniləşməsi, imkanlarının daim daha üst səviyyəyə qaldırılması insanı telefonun əsirinə çevirdi. Yol qəzalarını düşünün, telefonla danışdığına, mesajlaşdığına görə nə qədər sürücü qəza törədir? Telefon yerinə eynək olanda vəziyyət dəyişəcəkmi? Əlbəttə yox. Daha çox aludə olacaq insanlar. İnsan texnoloji əsrin köləsi olub, yeni nə ixtira olunsa özünü o əşyanı almağa borclu hesab edir. Telefonunun üstün versiyası, televizorunun daha təkmili, saatının daha yenisini istəyir həmişə. İstehsalçı da inanın bu zəif bəndini bilir".
Oğuz
