Cəbrayıl rayonun Cocuq Mərcanlı kəndində əkin sahələrinin suvarılması ücün yeni su nasos stansiyaları tikilib. Ən yaxın su mənəbləri işğal altında yerləşdiyindən kənddə təsərrüfatla məşğul olmaq mümkün deyildi. Artıq bu problem aradan qaldırılıb. Araz çayından götürülən su, nasoslar vasitəsi ilə Cocuq Mərcanlı və qonşu kəndlərin əkin sahələrinə ötürüləcək.

Cocuq Mərcanlıda kənd təsərrüfatı inkişaf etdirilir.

Cəbrayıl rayonunun Cocuq Mərcanlı kəndinə köcürülən ailələrə yeni pay torpaqları veriləsə də, sahələrin suvarılmasında problemlər var idi. Artıq yeni nasos stansiyaları bu problemi aradan qaldıracaq. Çünki əkin sahələrinin suvarma suyu ilə təmin edilməsi üçün nasos stansiyası və suvarma boru kəmərləri tikilib.

Araz cayından götürülən su kanal vasiətsi ilə su nasos stansiyasına gətirilərək buradanan nasoslar vasitəsi ilə əkin sahələrinə veriləcək. İşlər yekunlaşanda Cocuq Mərcanlı kəndinin, eləcə də Füzuli rayonunun Mirzənağılı və Qazaxlar kəndlərinin ümumilikdə 680 hektar əkin sahəsini suvarmaq mümkün olacaq.

Bundan əvvəldə kəndə gedən 9 kilometr yol asfaltlanıb, ailələr üçün içməli su xəttləri çəkilib. (xezerxeber.az)