Bu gün Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının üzvü, Vətəndaşların Əmək Hüquqlarını Müdafiə Liqasının sədri Sahib Məmmədovun doğum günüdür.
Eurasia Diary kollektivi adından Sahib Məmmədovu təbrik edir, ona can sağlığı və vətəndaş cəmiyyəti sahəsindəki fəaliyyətində uğurlar arzulayırıq!
Sahib Məmmədov - Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasının üzvü, Vətəndaşların Əmək Hüquqlarını Müdafiə Liqası İctimai Birliyinin İcraiyyə Komitəsinin sədridir.
15 dekabr 1962-ci ildə Azərbaycan Respublikası Ucar rayonu Müsüslü kəndində dəmiryolçu ailəsində anadan olmuşdur.
1970-1980-ci illərdə Ucar rayon Müsüslü kənd orta məktəbində orta təhsil almışdır.
1980-1981-ci illərdə Bakı şəhəri 19 saylı Şəhər Peşə Təhsili Məktəbində qaynaqçı peşəsi üzrə peşə təhsili almışdır.
1981-1984-cü illərdə Hərbi Dəniz Donmasında xidmət etmişdir.
1981-1992-ci illərdə (hərbi xidmət dövrü çıxılmaqla) Bakı Tunel Tikintisi İdarəsinin 7 saylı Tunel Dəstəsində bərkidici, qazmaçı peşələrində çalışmışdır.
1992-ci ildə Bakı Dövlət Universitetinin coğrafiya fakültəsini bitirmişdir.
2003-cü ildə "Odlar Yurdu"Universitetini bitirmiş və hüquqşünas ixtisası almışdır.
2002-2004-cü illərdə paralel olaraq Polşa Respublikasının paytaxtı Varşava şəhərində İnsan Hüquqları üzrə Beynəlxalq Ali məktəbi bitirmişdir.
1992-1993-cü illərdə Bakı Şəhər Yasamal Rayon İcra Hakimiyyətinin başçısının humanitar məsələlər üzrə 1-ci müavini, icra hakimiyyəti başçısı və Azərbaycan Respublikası Prezidentinin İcra Aparatının ərazi idarəetmə orqanları ilə iş şöbəsinin müdiri vəzifələrində işləmişdir.
1993-1997-ci illərdə Azərbaycan Neft və Qaz Sənayesi İşçilərinin Azad Həmkarlar İttifaqında təlimatçı və əməyin hüquq müfəttişi vəzifələrində çalışmışdır.
2000-ci ildən Vətəndaşların Əmək Hüquqlarını Müdafiə Liqası qeyri-hökumət təşkilatının İcraiyyə Komitəsinin sədridir.
2008-ci ildən Azərbaycan Hüquqşünaslar Konfederasiyası İdarə Heyətinin üzvüdür.
2006-cı ildən ardıcıl olaraq Ədliyyə Naziri yanında Penitensiar Xidmət üzrə İctimai Komitənin üzvüdür. 2008 və 2009-cu illərdə İctimai Komitənin koordinatoru olub;
15-dən artıq kitab və tədris vəsaitinin, 15 tədqiqatın müəllifidir. Bir sıra beynəlxalq konfranslarda məruzəçi, spiker və iştirakçı qismində iştirak etmişdir.
2008, 2012və 2016-cı illərdə Azərbaycan Respublikasının Prezidentinin sərəncamı ilə Azərbaycan Respublikasının Prezidenti yanında Qeyri-Hökumət Təşkilatlarına Dövlət Dəstəyi Şurasına üzv təyin edilib.
Ailəlidir, bir oğlu var.
1_0.jpg)
