9 saylı ikinci Binəqədi seçki dairəsindən Milli Məclisə seçkilərdə namizəd Şəhriyar Bayramov 115 saylı orta məktəbə adı verilən şəhid Azər Məmmədovun ailəsini ziyarət etməklə kampaniyaya başlayıb. 

Daha sonra Xutor yaşayış massivi, Şimal tingliyi 1 ve 2 ünvanları, M.Ə.Rəsulzadə qəsəbəsində yaşayan sakinlərlə ev-ev, məhlə-məhlə görüşlər keçirib. Şəhriyar Bayramov görüşlərdə, sakinlərin şəraitləri ilə tanış olmuş, onların problemlərini qeydiyyata götürmüş və sosial rifahlarının yaxşılaşdırılması istiqamətində gələcək planları barədə öz fikirlərini onlarla bölüşüb, qanunvericilik orqanda fəaliyyət proqramından danışıb. Daha sonra Milli Məclisə seçkilərdə namizəd Şəhriyar Bayramov çətin şəraitdə yaşayan sakinləri ziyarət edib, onların fikirləri ilə tanış olub, seçki platforması haqda məlumatlar verib.  

Müxtəlif yerlərdə keçirilən görüşlərdə Şəhriyar Bayramov islahatlar siyasətinin tərkib hissəsi olan bu seçkilərdə vətəndaşların fəal iştirakınının gələcək yaşam şəraitinə təsir edəcəyini bildirib. O, demokratik seçkilərin həyatın sosial çətinlikləri ilə üz-üzə qalanların ümidini yenidən yüksəldəcəyini bildirib.

“Biz birlikdə bu islahatlardan faydalanmalıyıq. Qeyd etmək istəyirəm ki, məqsədim seçicilərimin güvənini qazanmaq və hər bir seçicimin dostu olmaqdır. Amma buna şərait yaratmaq da sizin əlinizdədir!” deyə seçicilərlə görüşdə Şəhriyar Bayramov qeyd edib.

Şəhriyar Bayramov  1986-cı ildə Bakı şəhərində anadan olub. M. Rəsulzadə qəsəbəsinin sakinidir. 2003-cü ildə Bakı şəhəri Binəqədi rayonu 115 saylı orta məktəbi bitirib . 2007-ci ildə Azərbaycan Dövlət İqtisad Universitetini, 2012-ci ildə Bakı Dövlət Universitetinin Hüquq fakultəsini bitirib.  Uzun illər özəl sektorda çalışıb.  Bir çox ictimai və xeyriyyə tədbirlərində könüllü olaraq iştirak etmişdir. Heç bir siyasi partiyanın üzvü deyil, bitərəfdir.