"Bu gün Cənubi Qafqaz ölkələri arasında koronavirusla bağlı ən fəlakətli vəziyyət Ermənistanda müşahidə edilir. Ermənistan hökumətin atdığı addımlar virusun yayılmasının qarşısını almaqda acizdir.Ermənistan Baş naziri Nikol Paşinyan koronavirus pandemiyası dövründə vətəndaşların sosial-iqtisadi problemlərini həll etməkdə ciddi çətinliklərlə qarşılaşır, xəstəliyin yoluxma sayının artmasının qarşısını ala bilməməsi səbəbilə sürətlə sosial dayaqlarını itirir".
Vətəninfo.az xəbər verir ki,bu fikirləri işğalçı Ermənistandakı vəziyyəti şərh edərkən millət vəkili Əliabbas Salahzadə bildirib.Millət vəkili qeyd edib ki,vəziyyət gərgindir və Paşinyan hökuməti böhrandan çıxmaq üçün bütün vasitələrə əl atır.Əliabbas Salahzadə vurğulayıb ki, Ermənistanın koronavurusa yoluxduğunu iddia edən baş naziri Nikol Paşinyan belə Ermənistanın düşdüyü vəziyyəti şərh etməkdə aciz qalıb:
"Bildiyiniz kimi Paşinyanın özü bildirmişdi ki, koronavirusun xüsusiyyəti ondadır ki, bir çox xəstələr intensiv tibbi yardım aldıqdan sonra ölürlər. Paşinyan bununla Ermənistanda koronavirusla bağlı vəziyyətin fəlakət həddində olduğunu etiraf edib. Ermənistanda koronavirusa yoluxma və pandemiyadan ölüm hallarının çoxalması göstərir ki,bu ölkə hər gün daha da öz insanlarını itirməkdə davam edəcək".
Millət vəkilinin sözlərinə görə, bu fəlakət vəziyyəti koronavirus Paşinyanın taxtını laxladan əsas faktorlardan birinə çevrilməkdədir: "Hazırda ölkədə siyasi hakimiyyət, hökumət, parlament yoxdur, siyasi hakimiyyətin, hökumətin, parlamentin imitasiyası var.Paşinyan iqtidarının əhalinin dəstəyi üçün atılan addımlar imitativ xarakter daşıyır. Bu gün Ermənistanda siyasi hakimiyyət yoxdur və dövlət artıq uzun aylardır bürokratik sistem tərəfindən idarə olunur”.
Əliabbas Salahzadənin sözlərinə görə, imitativ hökumətin hərəkətlərində məntiq axtaranlar isə Paşinyandan ümidlərini üzüblər: "Ermənistan baş naziri Paşinyan yaydığı zəhər içərisində boğulacaq.
Ermənistanda fövqəladə vəziyyət rejimini uzadan Nikol Paşinyan özünün çökmüş və yoxolma yoluna daxil olan hökumətinin ömrünü uzatmağa çalışır.Erməni mətbuatı Paşinyanın aqoniya vəziyyətində olduğunu iddia edir, bunun əsas səbəbini isə parlament müxalifətinin, xüsusilə də "Çiçəklənən Ermənistan" Partiyasının açıq şəkildə hökuməti tam tərkibdə istefasını tələb etməsi göstərilir".
Millət vəkilinin sözlərinə görə,Paşinyan təkcə ölkə daxilində deyil,eyni zamanda xaricdən aldığı dəstəyi də itirib.Onun sözlərinə görə,Ermənistan iqtidarı təkcə daxili siyasi və sosial sabitliyi yarada bilmədiyi kimi,eyni zamanda Dağlıq Qarabağ münaqişəsinin həllinə də töhfə verəcək addımlar atmaqda acizdi:
"Paşinyanın iqtidara gəlişi ilə düşünmək olardı ki,o sələflərindən fərqli olaraq,münaqişənin həllində müsbət istiqamətdə addımlar atacaq.Amma o bunu etmək yerinə,Sarkisyan,Koçariyan iqtidarları kimi daha çox münaqişənin ömrünün uzadılmasına xidmət edir.Paşinyanın Şərq Tərəftaşlığı ölkərənin dövlət və hökumət rəhbərlərinin virtual görüşündə səsləndirdiyi fikirlər göstərdi ki,bu şəx münaqişənin həllində elə də maraqlı olmadığı kimi,eyni zamanda tarixi faktları saxtalaşdırmaqda da çox mahir biridir. Ancaq Cənab prezident İlham Əliyevin ŞT ölkələrinin virtual görüşündə səsləndirdiyi tarixi faktlar,təkzib olunması mümkün olmayan reallıqlar Paşinyana daha bir dərsin verilsi kimi qiymətləndirilməlidir".
