Aviabiletlərin qiymətinin ucuzlaşmasını gözləməyə dəyərmi? - ednews.net

30 Noyabr, Çərşənbə axşamı

Aviabiletlərin qiymətinin ucuzlaşmasını gözləməyə dəyərmi?

Cəmiyyət A- A A+

Bakı-Naxçıvan-Bakı marşrutu üzrə daxili reyslər yerinə yetirilərkən AZAL aviaşirkətinin Ermənistan üzərində hava məkanından istifadə etməsi aviabiletlərin qiymətlərinin ucuzlaşdırılması ilə bağlı müzakirələrə səbəb olub.

EDNews.net xəbər verir ki, Azərbaycan Turizm Agentlikləri Assosiasiyasının Ekspertlər Şurasının sədri Göydəniz Qəhrəmanovun “Trend”ə verdiyi məlumata görə, daxili aviareyslər üçün aviabiletlərin qiyməti Tarif Şurası tərəfindən müəyyən edilir.

Bundan başqa, onun sözlərinə görə, yeni hava dəhlizindən istifadə uçuş müddətinin və yanacaq sərfiyyatının cüzi azalmasına gətirib çıxaracaq ki, bu da aviabiletlərin qiymətlərinin ucuzlaşmasına təsir göstərməməlidir.

Qəhrəmanov dünyada aviasiya yanacağının qiymətinin nəzərəçarpacaq dərəcədə bahalaşdığını daha bir ciddi amil adlandırıb.

“Əgər əvvəllər Azərbaycan aviadaşıyıcıları üçün aviasiya yanacağının dəyəri sabit idisə, bu gün qiymət onlar üçün Platts kotirovkalarına bağlıdır. Şübhəsiz ki, aviayanacağın qiymətinin artması aviaşirkətlərdə maliyyə yükünü ciddi şəkildə artırır”.

Ekspertin fikrincə, aviayanacağın bahalaşması pandemik böhran səbəbindən aviaşirkətlərin onsuz da qeyri-sabit olan iqtisadiyyatına mənfi təsir göstərəcək. Koronavirus infeksiyası pandemiyası aviasiya sahəsinə ciddi mənfi təsir göstərmişdir.

“Aviasiya sənayesi əvvəllər heç vaxt oxşar miqyasda böhran yaşamamışdır – pandemiya dövründə aviaşirkətlərin əksəriyyəti beynəlxalq və daxili uçuşları dayandırmışdı. Bu gün aviadaşıyıcılar, o cümlədən Azərbaycan aviadaşıyıcıları tədricən marşrut şəbəkəsini tənzimləyir və pandemiyaya qədər olan uçuş coğrafiyasına qayıdırlar. Bu səbəbdən, yalnız bütövlükdə sahənin bərpasından və aviauçuşların pandemiyaya qədər müşahidə olunan səviyyəyə qədər bərpa edilməsindən sonra sərnişindaşıma tariflərinin aşağı salınması barədə danışmaq mümkün olacaq”, - deyə Qəhrəmanov bildirib.

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...