Lənkəran şəhərində Dövlət Gömrük Komitəsi və Azərbaycan Respublikasının Medianın İnkişafı Agentliyinin birgə təşkilatçılığı ilə jurnalislər üçün "Gömrük sistemində islahatlar: nəticələr, perspektivlər” mövzusunda təlim öz işinə başlayıb. Dövlət Gömrük Komitəsi və Media İnkişaf Agentliyinin birgə təşkilatçılığı ilə keçirilən təlimdə 40-a yaxın media qurumunun nümayəndəsi iştirak edir.
Ednews xəbər verir ki, tədbir çərçivəsində KİV nümayəndələrinə Gömrük Komitəsinin fəaliyyətilə bağlı məlumatlar verilib.
Media layihəsinin açılış mərasimində otelin səlahiyyətli nümayəndəsi əməyin təhlükəsizliyi barədə maarifləndirmə edib.
Tədbiri giriş nitqi ilə açan İctimaiyyətlə əlaqələr şöbəsinin rəisi Natiq Axundov tədbir iştirakçılarını salamlayaraq tədbiri giriş nitqi ilə açıb, keçiriləcək seminarlar barədə ətraflı məlumat verib. N. Axundov, bunun jurnalistlər üçün keçirilən 5-ci təlim olduğunu və budəfəki təlimin MEDİA ilə birgə təşkil edildiyini vurğulayıb: "Bizim təlim iki istiqamət üzrə qurulub. Birinci qayə cənab Prezidentimizin Gömrük sistemində apardığı islahatlar barədə məlumat verməkdir. İkincisi isə gömrük sahəsində jurnalistlərin ixtisaslaşmasıdır”.
Daha sonra Medianın İnkişafı Agentliyinin nümayəndəsi Pərvanə İbrahimova Dövlət Gömrük Komitəsi ilə MEDİA-nın birgə təşkilatçılığı ilə keçirilən tədbirin əhəmiyyətindən, prioritet hədəflərdən danışıb: “MEDİA-nın əsas istiqamətlərindən biri də jurnalistlərin ixtisaslaşmasıdır. Bu istiqamətdə bizim müxtəlif qurumlarla birgə layihələrimiz olub. Hesab edirik ki, bu layihələr jurnalistlərin peşəkarlığının artırılması istiqamətində uğurla nəticələnəcək”.
Təşkilatçıların giriş nitqi başa çatdıqdan sonra təlim proqramı çərçivəsində nəzərdə tutulan müxtəlif mövzuları əhatə edən təqdimatlar jurnalistlərə təqdim edilib.
DGK Risklərin idarə olunması və Audit Baş İdarəsinin rəisi Orxan Sultanov “Gömrük sistemində islahatlar: Nəticələr, perspektivlər” mövzusunda təqdimat barədə məlumat verib: “Risklərə riskli yanaşmaq olmaz. Bu resursları daha böyük risklərə yönəltməliyik. Biz riskləri təsnifləşdirməyə başladıq və bu istiqamətlər üzrəhəyata keçiririk – xarici ticarət risk reytinqi direktivi, sərhəd risk modulu, statistik instrumentlərin tətbiqi, bəyənnamə risk direktivi üzrə şaxələndirmişik. Xarici ticarət risk reytinqi direktivin data(elektron məlumatlar) əsaslı yenilənən sistemdir. Sərhəd risk modulu – artıq tamamlanıb, tezliklə işə düşəcəkI: Bu bizə sərhəddə gömrükdə risklərin idarə edilməsinə imkan verir. Burada biz beynəlxalq nümunədən istifadə etmişik. Statistik instrumentlərin tətbiqi – Burada hər hansı bir məhsulu bəyan etdikdə sistem avtomatik özü aşkar edir riskləri. Məsələn, orta dəyəri 5 dollardır, standart kənarlaşma 1 dollardır, 20 faiz, avtomatik dəyər minimal olaraq 4 dollar təyin edilir. Əgər bu rəqəm dəyişərsə, sistemdə bu dəyişikliyin riskli olduğu bildirilir. Bəyənnamə risk direktivi üzrə şaxələndirmədə isə sistem risklər barədə statistik məlumatlar verir".
Ardınca Pərvanə İbrahimova Medianın İnkişafı Agentliyinin fəaliyyəti barədə məlumat verib: “Prezidentin 2021-ci il 12 yanvar tarixli fərmanı, MEDİA-nın yaradılması dövlət tərəfindən mediaya göstərilən yüksək diqqət və qayğının nəticəsidir. Media sahəsində islahatların istiqamətləri normativ hüquqi bazanın yenilənməsi və təkmilləşdirilməsi, media subyektlərinin iqtisadi müstəqilliyinin gücləndirilməsi, jurnalistlərin peşəkarlığının, məsuliyyətinin və cəmiyyətin media savadlılığının artırılması istiqamətlərini əhatə edir. Sözügedən istiqamətlər üzrə mətbuat nümayəndələri üçün müxtəlif tədbir və seminarlar keçirilir”.
Növbəti təqdimat isə Gömrük Komitəsinin fiskal sahədəki fəaliyyətinin ölkənin sosial-iqtisadi inkişafına faydaları mövzusunda olub. Şöbə rəisi V.Orucov bu barədə ətraflı məlumat verib.
Sonra “Yaşıl dəhliz” buraxılış sistemi Gömrük Nəzarətinin Təşkili və Ticarətin Asanlaşdrılması Baş İdarəsinin Xarici Ticarət İştirakçıları ilə iş şöbəsinin rəisi Mahmud Nuriyev “Yaşıl Dəhliz Buraxılış sistemi” mövzusunda məlumat verib.
Azər Namazov “Rəqəmsal Gömrük: nəticələr və hədəflər” mövzusunda növbəti təqdimatda bu barədə KİV nümayəndələrinə geniş məlumat verib.
Daha sonra isə KİV nümayəndələri üçün Astara Gömrük Postuna mediatur təşkil olunacaq.
Fariz Faiqoğlu