Gömrüklə bağlı sahəvi jurnalistikanın inkişafı üçün tədbirlər görüləcək - Natiq Axundov - ednews.net

29 May,

(+994 50) 229-39-11

Gömrüklə bağlı sahəvi jurnalistikanın inkişafı üçün tədbirlər görüləcək - Natiq Axundov

Cəmiyyət A- A A+
Lənkəran şəhərində Dövlət Gömrük Komitəsi və Azərbaycan Respublikasının Medianın İnkişafı Agentliyinin birgə təşkilatçılığı ilə jurnalislər üçün "Gömrük sistemində islahatlar: nəticələr, perspektivlər” mövzusunda təlim öz işinə başlayıb. Dövlət Gömrük Komitəsi və Media İnkişaf Agentliyinin birgə təşkilatçılığı ilə keçirilən təlimdə 40-a yaxın media qurumunun nümayəndəsi iştirak edir.
 
Bugün keçirilən təlimdən sonra Dövlət Gömrük Komitəsi İctimaiyyətlə Əlaqələr şöbəsinin rəisi Natiq Axundov mətbuata açıqlama verib.

"Əvvəla onu qeyd edim ki, gömrük sistemində cənab Prezidentin rəhbərliyi ilə son illərdə aparılan islahatlar, onun nəticələri, perspektivlər, gələcək hədəflər barədə KİV nümayəndələrinə iki günlük tədbir çərçivəsində ətraflı məlumat verəcəyik. İkinci əsas məqsədimiz ondan ibarətdir ki, biz sahəvi jurnalistikanın inkişafı ilə bağlı müəyyən formalaşdırmalar aparmaq istəyirik. Bu tədbirin keçirilməsində bizə dəstək olan Medianın İnkişafı Agentliyinə dərin təşəkkürümüzü bildiririk. Ümidvarıq ki, gömrük spesifik bir sahə olduğundan və burada sahəvi jurnalistikaya ehtiyac olduğu üçün bu tədbir öz töhfəsini verəcək. Bu artıq bizim media nümayəndələri ilə 5-ci görüşümüzdür. Amma bu dəfəki təlimimizin fərqi ondadır ki, onu MEDİA ilə birgə təşkil etmişik",-deyə o qeyd edib.

Fariz Faiqoğlu

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...