Ödənişli atalıq məzuniyyətinin verilməsi qanunvericiliyə daxil edilir.
EDNews “Xəzər” TV-yə istinadən məlumatına görə, Əmək və Əhalinin Sosial Müdafiəsi Nazirliyi yanında Dövlət Əmək Müfəttişliyi Xidmətinin mətbuat katibi Aynur Osmanqızı atalıq məzuniyyətinin verilməsi qaydaları haqda açıqlama verib.
“Həyat yoldaşı doğuşa və hamiləliyə görə məzuniyyətdə olan şəxslər doğum ərəfəsində ananın doğuş üçün müraciət etdiyi xəstəxanadan arayış alacaq. Həmin tibbi arayışı iş yerinə təqdim edəcək. Sözügedən arayış əsasında iş yeri ata namizədlərinə 14 gün ödənişli məzuniyyət verəcək.
O, məzuniyyət hüququndan istifadə edən atanın məzuniyyət pulunun standart qaydada ödəniləcəyini qeyd edib.
"Bu, bir uşaq üçün nəzərdə tutulmur, hər bir övlad üçün atalıq namizədi bu hüquqdan istifadə edə bilər", -deyə A.Osmanqızı əlavə edib.