Amerikalı psixoloq Cenifer Harmanın fikrincə, qadın səbəbsiz xəyanət etmir. Onun fikrincə, qadın xəyanətinin arxasında mütləq kişinin yaratdığı bir vəziyyət var.
ABŞ ailə psixoloqlarının ümumi rəyinə görə isə qadını xəyanətə sürükləyən ilk səbəb intiqam hissidir. Ərindən, sevgilisindən kobudluq görən, qayğı, diqqət görməyən qadın xəyanət etməklə intiqam aldığını düşünür.
Əvvəllər xəyanət dedikdə nədənsə ağla ancaq kişilər gəlirdi, lakin müasir dövrdə bu anlayış bir qədər forma dəyişdirib. Bu zaman ağıllara bir sual gəlir. Məgər, əvvəlki dövrlərdə qadınlar xəyanət etmirdilər? Sadəcə, olaraq hazırda hər bir problem olan kimi ailə daxili problemlərini televiziyalara, saytlara daşıyan insanlar və bundan böyük reytinqlər tutan mətbu orqanlar müasir dövrdə buna şərait yaradıb.
Məsələnin mahiyyəti isə dəyişməz olaraq qalır: Qadın xəyanəti. Gizli və ya aşkar.
Səbəblər, bəhanələr və özünə haqq qazandırmalar…
Psixoloq Samirə Bağırova deyir ki, xəyanət ümumiyyətlə nə qadın, nə kişi, kateqoriyasına ayrılmalıdır. Onun sözlərinə görə, bu, sadəcə bir insanlıq prefaktorudur.
“İnsanlar ailə haqqında xəyal quranda hər şeyin daha gözəl və başqa biçimdə olacağını düşünür. Xüsusilə qadınlar üçün bu xüsusilə önəm daşıyır, çünki onlar evliliyi macəra kimi düşünür. İnsanlar evliliyin məsuliyyətlərini tam dərk etmədən ailə qurur. Evlilik davam etdikdə isə məlum olur ki, qadının gözləntiləri ilə realda yaşadıqları tam fərqlidir”.
Söhbət zamanı psixoloq son zamanlar müraciət edən pasientlər arasında xəyanət edən qadınların daha çox olduğunu qeyd edib. Belə ki, onlar əməllərindən vicdan əzabı çəksələr də bunu bir çox səbəblərlə əlaqələndirirlər.
“İnsanların bir-birindən gözləntiləri var və bu istəklər qarşılanmayanda ailədə soyuqluq yaranır. Hər iki tərəf qarşı tərəfin addım atmasını gözləyir. Nəticədə, tərəflərdən biri xəyanətə meyl edir”.
Bəzi ekspertlər isə düşünür ki, qadını bu yola aparan ən başlıca səbəblərdən biri sevgisizlikdir. Ailəsində bu hissləri yaşaya bilməyən qadınlar qayğı və sevgini evdən kənarda, başqa insanda tapmağa çalışırlar.
Samirə Bağırova həmçinin qeyd edib ki, xəyanət edən qadın ilk etapda çox vaxt aldatdığına görə, dərin depressiya yaşayır. O, hər dəfə etdiyi hərəkətə görə peşmançılıq hissi duymağa başlayır.
“Ona görə, mən hər zaman deyirəm ki, qadının qulağı boş qalmamalıdır. Qadın daima kişi diqqətini hiss etməlidir. Bir qadın xəyanətə gedəndə onu dəqiq düşünüb gedir. Ancaq kişilərdə bu fərqlidir, onlar anidən buna qərar verib edə bilərlər”.
Ülviyyə Fərhad
.jpeg)
