"Qaradağda Günəş Stansiyasına çəkilən xərc uzağı 2 il ərzində öz geri dönüşünü təmin edəcəkdir".
Ednews xəbər verir ki, bu sözləri iqtisadçı-ekspert Eldəniz Əmirov özünün “Facebook” hesabımda paylaşıb.
Qaz qiymətlərinin yuxarı səviyyəsində bu müddətin 1 ilə qədər enəcəyini qeyd edən ekspertin fikrincə stansiyanın işə salınması 110 milyon qaza qənaət olunmasına gətirib çıxaracaq:
"Bu isə bu günki qaz qiymətlərində 165 milyon dollar deməkdir. Nəzərə alsaq ki sözü gedən günəş stansiyasının tikintisinin 225 milyon dollara başa gəlməsi planlaşdırılır. Hər şey plana uyğun gedərsə (axsamalar olmazsa) bu stansiya həm də regionlara yaxşı bir nümunə olaraq yayıla bilər".
Ekspertin fikrincə bu addımın digər müsbət tərəfləri hər stansiya üzrə 50-dək insanın daimi iş yerilə təmin edilməsinə, regionun enerji təhcizatında fasiləsizliyin təmin olunmasına, regionlarda uzun məsəfələr üçün yaradılmalı olan infrastruktur xərclərinə qənaət edilməsinə, atmosferə atılan karbon emissiyalarının azalması kimi bir sıra müsbət təsirləri olacaqdır. Belə ki, təkcə Qaradag Günəş Stansiyası fəaliyyətə başlayandan sonra atmosferə 200 milyon ton karbon emissiyasının atılmasının qarşısı alınacaq.
"Ən əsası isə alternativ enerji zamanın trendidir. Alternativ enerjidən istifadə edənlə ənənəvi enerjidən istifadə edən arasındakı fərq cəmiyyətin bir göstəricisidir – köhnə nokia ilə yeni smartfon kimi",-deyə Eldəniz Əmirov qeyd edib.
Ülviyyə Fərhad
