Bir müddət əvvəl Lənkəran Dövlət Universitetinin (LDU) müəllimi Elşad Rəhimovun tələbələrə qiymət yazmaq üçün əxlaqsızlıq təklif etməsi barədə iddialar səslənib. Hətta ortaya çıxan videogörüntülərin intim xarakterli olmasına baxmayaraq, müəllim görüntülərin bir il əvvəl çəkildiyini və tələbələrə aid olmadığını bildirib.
Bundan başqa E.Rəhimov iddia edib ki, görüntülər montajdır.
Son zamanlar cənub bölgəsində yaşanan bəzi hadisələr isə cəmiyyət içində başqa məsələlərin müzakirəsinə də yol açıb. Sosial şəbəkələrdə bəzi izləyicilər məhz cənub zonasında qadağaların, dini mövhumatın və erkən nikahların çox olması səbəbi ilə belə halların yaşanmasında rolu olduğunu iddia edib. Bəziləri isə hətta “Qadağaların həddən artıq çox olduğu yerdə, onları pozmağa meylli insanların sayı da çox olur” fikirləri ilə çıxış da edib.
Məsələ ilə bağlı Ednews-a danışan ilahiyyatçı Elşad Miri bildirib ki, Azərbaycanda bəzi məktəblər və din xadimləri var ki, hətta bu haqda danışmağın əleyhinədirlər.
“Siz o “hacı”lara zəng edib fikir öyrənməyə çalşsanız, bu haqda danışmayacaqlar. Onların bəziləri inanırlar ki, qız uşaqları həddi-buluğa çatandan sora onları ərə vermək olar. Onlar öz inanclarına qarşı çıxa bilmirlər. “İslamda azyaşlıların ərə verilməsi qadağandır” adlı kitabımda məsələni Quran ayələrinə əsasən sübut edirəm. Alternativ fikrə imkan vermədiklərinə görə, bu cür hallarla təkcə cənub bölgəsində deyil, Bakının kəndlərində də üzləşməyimiz qaçılmazdır”.
İlahiyyatçının sözlərinə görə, xurafat və mövhumatın daha çox olduğu, insanların dinə kor-koranə inandıqları, araşdırmadan, Qurana əsaslanmadan gözüyumulu həmin o din xadimlərinə tabe olduqları yerlərdə, eləcə də müxtəlif ökələrdə mövcud olan din adamlarını gözüyumulu şəkiildə təqlid etdiklərinə görə bu cür yanlışlar davam edir və edəcək.
“Hələ əsrin əvvəlində “Molla Nəsrəddin” jurnalında bu gün lağ etdiyimiz məsələlərin şahidi oluruq. Cəlil Məmmədquluzadənin “Ölülər”, M.F.Axundovun əsərlərindəki istehza edilən, kinayə doğuran məsələlər dəyişməyib. Sadəcə zaman dəyişib, ağılllı telefon istifadə edirik vəssalam, guya dəyişmişik, amma reallıqda görürük ki, eyni şeyi davam etdiririk”.
Sosioloq Əhməd Qəşəmoğlu bildirib ki, bu cür hadisələrin baş verməsi çox ürəkağrıdıcıdır.
(1)(1).jpg)
“Burada daha çox mühitdə baş verən proseslər çox ciddi rol oynayır. Təklif və təbliğ etdiyim “Ahəng yol” elminə görə, hər bir davranışın formalşmasında 4 mühüm amil rol oynayır. İnsanın öz fərdi xüsusiyyətləri, milli xüsusiyyətləri; mühit və ondan baş verən hadisələr; alınan informasiyanın intensivliyi, məzmunu, xarakteri; üstünlük verilən dəyərlər. Bu təzə hadisə deyil və hansı mühitdə cəhalət çox olursa, orada belə hadisələr tez-tez baş verir. Ötən əsrin əvvəllərində belə hətta molların bu cür hərəkətləri haqda çox eşidilirdi”.
Sosioloqun sözlərinə görə, mühitdə təhsil inkişaf edəndə inanlar mənəvi dəyərlərə daha çox və ayıq şəkildə yiyələndə orda belə hadisələr yox dərəcəsində olur və milli, o cümlədən vətənpərvərlik hissi də güclü olanda belə məsələlər azalır.
“Bir az avam yaxud cəhalət içində olan adam sosial şəbəkələrdə belə şey eşidəndə tez fikirləşir ki, “bəlkə elə mən də edim” və ya buna oxşar hadisə görəndə dağıdıcı qüvvələr xeyli pornoqrafik məlumatlar, şəkilllər yayır. Hazırda məsələ ilə bağlı hüquq mühafizə orqanları araşdırma aparır. Belə bir hadisə baş verirsə orda mühitin dəyişməsinə ehtiyac var.
Onu da əlavə edim ki, yüksək mənəvi dəyərləri inkişaf etmiş yerlərdə, məsələn bir vaxtlar türk dünyasında tabulardan istifadə olunurdu və onu pozanlar yüksək səviyyədə cəzalandırılırdı, bu da cəmiyyətdə böyük rol oynayırdı. Biri var tabuya ciddi əməl edəsən, biri də var onunla oynayasan”.
Gülnar Səlimova
.jpeg)
