“Milli Məclisdə ölkəyə idxal olunan kağızdan ƏDV alınması qanunu ləğv olundu. Nəşriyyatlar can verir, qazetlər isə artıq canını verib, qazet yoxdur”.
Ednews xəbər verir ki, bu fikirləri millət vəkili Aqil Abbas Milli Məclisin bu gün keçirilən plenar iclasında çıxışı zamanı səsləndirib.
Deputat qeyd edib ki, qanunun qəbuluna baxmayaraq, layihə hələ də trəsmiləşdirilməyib:
“ƏDV yanvardan götürülsə də Nazirlər Kabineti bunu rəsmiləşdirib, Gömrük Komitəsinə göndərməyiblər. Nəşriyyatlar qan ağlayır. Bunun üçün böyük zəhmətmi lazımdır, yeni bir qanunmu qəbul olunmalıdır? Baş nazir Əli Əsədovdan xahiş edirəm ki, bu məsələyə diqqəti artırsın”.
Aqil Abbas kitab oxuyanların azlığına da diqqət çəkib:
“Allaha şükür ki, kitab və qazet oxuyan da yoxdur ölkəmizdə. Kitab oxumayan millətin gələcəyi yoxdur. Dünyada ən az kitab oxuyan millətik”.
