“Fransa-Almaniya Gənclər Ofisinin (OFAJ) proqramı çərçivəsində iyunun 6-dan 10-dək Azərbaycandan olan 10 gənc Strasburqa səfər edəcək”.
Ednews xəbər verir ki, bunu Fransanın Azərbaycandakı səfiri Zakari Qross bu gün gənclərlə görüşündə deyib.
Səfir bildirib ki, səfər çərçivəsində Almaniya, Fransa və Ermənistan gəncləri ilə görüşəcək və əməkdaşlıq perspektivlərini müzakirə edəcəklər:
“Bu, bizim Almaniya səfirliyi ilə “Avropa İttifaqının Şərq Tərəfdaşlığı proqramı çərçivəsində yeni əməkdaşlıq istiqamətləri” adlı proqramı üzrə birgə təşəbbüsümüzdür. Əlbəttə ki, biz Azərbaycan və Ermənistan arasında münasibətlərin bərpası prosesini dəstəkləyirik. Biz azərbaycanlı gənclərin sülh naminə səylərini görməyə şadıq”.