İyunun 15-dən Azərbaycanda çimərlik mövsümü açıq elan ediləcək. Hər il İsti yay günlərinin gəlişi Bakı sakinlərinin dənizkənarı çimərliklərə axının artmasına səbəb olur.
Bəs, bu gün həmin çimərliklərin əhaliyə göstərdikləri xidmətlər və onların qiymətləri nə dərəcədə sərfəlidir.
Məsələnin aktuallığını nəzərə alıb Bakının ən məşhur çimərliklərinin qiymətləri haqqında kiçik araşdırma apardıq.
Apardığımız araşdırmadan bəlli olub ki, istirahət üçün münasib olan akuaparkların təyin etdiyi qiymətlər isə ötən ilə nisbətən bahadır.
Nəticələr isə...
“Amburan Beach”
Bilgəh qəsəbəsində fəaliyyət göstərən “Amburan Beach”dəki aquaparkda 1 nəfər üçün giriş həftəiçi 30 manat, həftəsonu 35 manatdır. Qeyd edək ki, bu istirahət mərkəzlərində qiymətə duş kabinələri, hovuz kənarında və çimərlikdə istirahət, qurulanmaq üçün dəsmal, çətir və çimərlk divanı daxildir.
“Bilgəh Aqua Park”
“Jumeirah Bilgah Beach Hotel”dəki aquaparkda 1 nəfər üçün giriş həftəiçi 35, həftəsonu 40 manatdır. 6 yaşa qədər uşaqlar üçün aquaparkdan istifadə pulsuzdur. 6-12 yaş aralığında olan uşaqlar üçün isə 50% endirim var.
“Dalga Beach Aquapark Resort”
İstirahət mərkəzindəki qiymətlərdə hazırda 50% endirim var. Aquaparkda 1 nəfər üçün giriş həftəiçi 20 manat, həftəsonu 25 manat. Dənizə giriş isə həftəiçi 10 manat, həftəsonu 15 manatdır. İyunun 10-dan sonra aquaparka giriş üçün həftəiçi qiymət 40 manat, həftəsonu isə 50 manat olacaq.
“AF Hotel Aqua Park”
Novxanıda fəaliyyət göstərən “AF Hotel Aqua Park” kompleksində aquaparka giriş qiymətləri, 1 nəfər üçün 20 manatdır. 12 yaşa qədər uşaqlar üçün giriş 15 manatdır. 3 yaşa qədər uşaqlar üçün giriş pulsuzdur.
“Sea Breeze Hotel”
Nardaran qəsəbəsində fəaliyyət göstərərn “Sea Breeze Hotel”dəki aquaparka giriş qiyməti həftəiçi və həftəsonu 1 nəfər üçün 20 manatdır. 10 yaşına qədər uşaqlar üçün giriş pulsuzdur.
“Nar & Şərab”
.jpg)
Şıxov qəsəbəsində fəaliyyət göstərərn “Nar & Şərab” akuaparkında 1 nəfər üçün giriş həftəiçi və həftəsonu 20 manatdır. 6 yaşa qədər uşaqlar üçün aquaparkdan istifadə pulsuzdur. Dənizə giriş üçün qiymətlər eynidir.
Xatırladaq ki, istirahət mərkəzlərindən göstərdiyimiz qiymətlər, hazırda göstərilən rəqəmlərdir. Çimərlik mövsümünün açılması ilə qiymətlərdə müəyyən dəyişikliklər ola bilər.
Gülnar Səlimova
