Sosial şəbəkədə metroda balta ilə insanlara hədə-qorxu gələn şəxsin görüntüləri yayılıb. Məsələ ilə bağlı Bakı Metropliteninin mətbuat xidmətinin rəhbəri Bəxtiyar Məmmədov bildirib ki, hadisə Daxili İşlər Nazirliyinin səlahiyyətindədir.

“Adamın şəxsiyyəti ilə bağlı intensiv araşdırmalar gedir, hadisənin nəticəsi barədə əlavə məlumat veriləcək. Sonda Metropolitenə aid hər hansı məsələ olsa ictimaiyyətə  məlumat anında çatdırılacaq”. 

Bəs, metrolarda x-ray aparatı varsa bu şəxs balta ilə metropolitenə necə daxil olub? 

DİN-in Mətbuat Xidmətinin rəisi Ehsan Zahidov Ednews-a açıqlaması zamanı bildirib ki, bu barədə araşdırma gedir, hətta ola bilər ki, şəxsin əlindəki heç balta olmayıb.

“Əsas məsələ metroya hansı əşyaların keçirilməsinin qadağan olmasını bilmək lazımdır. Ola bilsin ki, şəxsin əlindəki balta deyil çünki o, selofana bükülü vəziyyətdə olub. Buna səbəbdən də videoya baxdıqda, əşyanın dəqiq nə olduğunu ayırd etmək mümkün deyil. Şəxs saxlanıldıqdan sonra ətraflı məlumat veriləcək”.

Qeyd edək ki, görüntülərdə adı açıqlanmayan şəxs metroya balta ilə girdiyini və qarşısına çıxan cinsi azlıqları baltalayaraq öldürəcəyini deyib.

Ləman Abbaslı

• Tag:
• balta
• Metro
• DİN