Azərbaycanda 2020-ci ildən etibarən icbari tibbi sığorta tətbiq edilib.
İcbari tibbi sığorta nədir?
İcbari tibbi sığorta həmrəylik prinsiplərinə əsaslanan sosial layihədir. İTS sığorta hadisəsi zamanı əhaliyə maliyyə mənbələri hesabına ilkin səhiyyə xidmətlərinin, təcili və təxirəsalınmaz tibbi yardımın göstərilməsinə təminat verən dövlətin hüquqi, iqtisadi və təşkilati tədbirlər sistemidir.
Bu 2016-ci ildə pilot layihəsi olaraq Ağdaş, Mingəçevir və Yevlax rayonlarında həyata keçirilb. Lakin buna baxmayaraq, hələ də ölkədə bununla bağlı bir sıra problemlər mövcuddur.
Bu sahədə ən böyük problemlərdən biri də vətəndaşların bu istiqamət üzrə maarifləndirilməsi ilə bağlıdır, çünki, onlar hələ də məsələ ilə bağlı xəbərsizdilər. Məsələ ilə bağlı Ednews-a açıqlamasında professor-həkim Adil Qeybulla bildirib ki, xidmətlər zərfinə daxil olan bütün xidmətlər, Azərbaycan vətəndaşlarına ödənişsiz şəkildə göstərilməlidir.
“Xidmətlər zərfi dedikdə icbari tibbi sığorta çərçivəsində, pulsuz şəkildə göstərilən xidmətlər nəzərdə tutulur, yani manipulyasiyadan tutmuş bütün cərrahi əməliyyatlar, diaqnostik müayinələr, analizlər və s… Həmçinin professor xidmətlər zərfinə əlavə ediləcək xidmətlərin tətbiqi məsələsinə toxunub və qeyd edib ki:
“ Məsələn rekonsruktiv əməliyyatlar, estetik əməliyyatlar hazırda xidmətlər zərfinə daxil deyil, amma onların da gələcəkdə xidmətlər zərfinə daxil olması nəzərdə tutulub”.
Eyni zamanda Adil Qeybulla icbari tibbi sığorta çərçivəsində göstərilən xidmətlərdə, hansısa limitin olub-olmamasındana da aydıqlıq gətirib. O, bildirib ki, limitli şəkildə, tibbi xidmətlərin göstərilməsi, dünyanın bütün ölkəsində mövcuddur.
“ İcbari tibbi sığorta ilə xidmətlərdən istifadə edilməsinə dair maaririfləndirmə işlərinin reallaşdırılması istiqamətində ayrı-ayrı yerlərdə tədbirlər keçirərək həkimlər icbari tibbi sığortadan istifadə qaydası barədə məlumat verməlidirlər. Bundan başqa onlar mətbuat və sosial şəbəkələrdə bu kimi məsələlərə dair vətəndaşlara geniş şəkildə informasiya ötürülməlidirlər”.
İcbari Tibbi Sığorta üzrə Dövlət Agentliyinin Marketinq və ictimaiyyətlə əlaqədar departamentinin rəhbəri Aynurə Əhmədova fikrincə xidmətlər zərfi-icbari tibbi sığortanın təminat verdiyi tibbi xidmətlər toplusudur. Həmçinin Aynurə Əhmədova, sözlərinə görə, xidmətlər zərfi çərçivəsində 3500-dən artıq diaqnozu əhatə edən 2550 sayda tibbi xidmətlər göstərilir.
“Xidmətlər zərfinə daxil olan tibbi xidmətlər və tariflər Azərbaycan Respublikasının Nazirlər Kabinetinin 2020-ci il 10 yanvar tarixli 5 nömrəli Qərarı ilə təsdiq edilib. İcbari tibbi sığorta çərçivəsində vətəndaşlar bir sıra xidmətlər əldə edə bilərlər
1.Təcili və təxirəsalınmaz tibbi yardım
2.İlkin tibbi-sanitariya yardımı
3.Ambulator şəraitdə müayinə və müalicə
4.Stasionar müalicə
5.Funksional-diaqnostik mqayinələr
6.Laborator müayinələr
Vətəndaşlar İcbari Tibbi Sığorta üzrə Dövlət Agentliyinin rəsmi internet səhifəsinə daxil olaraq, Xidmətlər Zərfi ilə təminat alınan tibbi xidmətlərlə daha ətraflı tanış olmaq mümükündür’’.
Eyni zamanda Aynurə Əhmədova bildirib ki, vətəndaşlar, Poliklinika və yaxud Ailə Sağlamlıq Mərkəzləri istisna olmaqla, TƏBİB-in tabeliyində olan istənilən dövlət tibb müəssisəsinə ixtisaslaşdırılmış ambulator yardım üçün şəxsiyyət vəsiqələrini təqdim etməklə müraciət edə bilərlər. Onlar ödənişsiz şəkildə xidmətlər zərfinə daxil olmuş xidmətlərdən yararlana bilərlər.
“Vətəndaşlarımız TƏBIB-İN tabeliyindəki dövlət tibb müəssiələrində müraciət etdikdə, Xidmətlər Zərfinə daxil olan tibbi xidmətlərin göstərilməsi mümkün olmadıqda, Agentliyin müqaviləsi olan 57 sayda özəl tibb müəssələrinin birinə göndəriş alaraq tibbi xidmətlərdən yararlana bilərlər”.
Xidmətlər zərfinə əlavə xidmətlərin tətbiqi məsələsini qurum rəsmisi belə şərh edib:
‘’Layihədə 700 tibbi xidmət zərfinə daxil edilməsi və ümumilikdə, 3000-dən çox tibbi xidmətin icbari tibbi sığorta çərçivəsində göstərilməsi nəzərdə tutulub. Yeni tibbi xidmətlər limitli qaydada orqan transplantasiyası, ürək-damar cərrahiyyəsi, oftalmoloji və travmatoloji əməliyyatları əhatə edir. Bundan başqa limit sayı 300 olan endoprotezləşdirilmə əməliyyatının sayının 1200-ə qədər artırılması təklifi irəli sürülüb’’.
Qurum rəsmisi əhalinin marifləndirilməsi və məlumatlandırılması haqqında danışıb. Onun sözlərinə görə, icbari tibbi sığortanın istifadə qaydası ilə bağlı məlumatlar hər bir vətəndaşın mobil telefonuna SMS vasitəsi ilə göndərilir.
“Vətəndaşlara bu istiqamətdə 4 860 000 yaxın ismarıc göndərilib. Ondan savayı ölkədə fəaliyyət göstərən 25 ‘’ Asan Xidmət’’ və ‘’ Asan Kommunal’’ mərkəzlərinə, eləcədə TƏBİB-in tabeliyindəki 16 tibb müəssisəsində marifləndirici vedeoçarxlar nümayış etdirilir. Bundan başqa Asan radioda yayımlanan ‘’ Bir sual, bir cavab’’ rubrikaslnda da vətəndaşlar bütün suallarına cavab tapa bilərlər”.
Xaliq Quliyev
