Vətəndaş Birlik Partiyası BƏYANAT YAYDI - ednews.net

6 Oktyabr, Cümə axşamı

(+994 50) 229-39-11

Vətəndaş Birlik Partiyası BƏYANAT YAYDI

Cəmiyyət A- A A+

VBP Ermənistanın sərhəddə törətdiyi son təxribatla bağlı bəyanat yayıb.

Beynəlxalq birliyi  sülh sazişi imzalamaq üçün İrəvana təzyiq etməyə və xalqı birliyə çağırıb.

2020-ci ildə 44 günlük İkinci Qarabağ müharibəsinin nəticəsi olaraq noyabrın  10-da Azərbycan, Rusiya və Ermənistan arasında imzalanan üçtərəfli  sülh bəyanatı Cənubi Qafqazda dayanıqlı sülhün yaranmasına böyük ümidlər yaratmışdı.  Lakin Ermənistanın revanşist siyasətindən əl çəkməməsi və bölgədə  davamlı sülhün əldə edilməsi istiqamətində aparılan  danışıqlar qeyri-səmimi  mövqe sərgiləyib, destruktivlik nümayiş etdirməsi, sülh danışıqlarından boyun qaçırması ümid bəslənən gözləntilərə kölgə salıb. Azərbaycan üçtərəfli, istərsə ondan sonra 11 yanvar və 26 noyabr 2021-ci il bəyanatları, istərsə də digər formatlarda aparılan danışıqlar zamanı  əldə edilən razılaşmaları birmənalı şəkildə həyata keçirsə də, İrəvan bunun əksinə fəaliyyət göstərərək, sülhə hazır olmadığını nümayiş etdirib.

Ermənistan ordusunun sentyabrın 12-dən 13-nə keçən gecə saatlarından başlayaraq   Laçın, Kəlbəcər və Zəngilan  istiqamətində  dövlət sərhəddində Azərbaycan ordusunun mövqelərinə qarşı genişmiqyaslı təxribatlar törətməsi rəsmi İrəvanın sülhə hazır olmadığını bir daha təsdiqləyir. Nəticədə itkilər oldu.  Azərbaycan ordusu  təxribatın qarşısını almaq üçün adekvat addım ataraq, düşmənin layiqli cavabını verdi.

Ermənistan  törətdiyi sonuncu  təxribatla  bir sülhsevər ölkə olduğunu deyil, işğalçı və terrorçu  mahiyyətə malik olduğunu ortaya qoymuş oldu.

Ermənistan tərəfinin Azərbaycana qarşı növbəti təcavüzü beynəlxalq hüququn fundamental norma və prinsiplərinin, o cümlədən  Azərbaycan, Ermənistan və Rusiya liderləri arasında imzalanmış üçtərəfli bəyanatların müddəalarının, həmçinin Brüssel görüşlərində sülhlə bağlı əldə edilmiş  razılıqların  və sülh prosesinin kobud şəkildə pozulması deməkdir.  Sülh prosesinin pozulmasına görə məsuliyyət  isə Ermənistan hakimiyyətinin üzərinə düşür.

Vətəndaş Birliyi Partiyası  (VBP) Ermənistanın bölgədə dayanıqlı sülhü pozması və gərginlik yaratmaq istiqamətindəki beynəlxalq hüquq və prinsiplərinə zidd revanşist siyasətini qətiyyətli qınayır.

VBP eyni zamanda beynəlxalq təşkilatları və dünyanın aparıcı ölkələrini Ermənistanın  beynəlxalq hüququ kobud surətdə pozmasına  seyrçi mövqe sərgiləməsində də təəssüfləndiyini bəyan edir. Hesab edirik ki, beynəlxalq briliyin və dölətlərin Ermənistanın beynəlxalq  hüquqa hayqırı göstərməsinə  seyrçi mövqe sərgiləməsi   təkcə Cənubi Qafqazın deyil, bütövlükdə qlobal təhlükəsizlik sisteminə təhdiddir.  Odur ki, beynəlxalq birlik Ermənistanın  beynəlxalq hüquq və prinsiplərinə zidd  əməlləri qətiyyətlə pislənilməli, İrəvanı sülh sazişi imzalamaq üçün təsirli addımlar atmalıdır. Əks halda beynəlxalq birlik də bunun zəiyyətini çəkmiş olacaq.

VBP hər zaman Azərbaycan dövlətinin  daha da güclü, qüdrətli bir ölkəyə çevrilməsi istiqamətində fəaliyyəti göstərib.  Partiya olaraq biz bu gün cənab Prezident İlham Əliyevin Azərbaycanın dünyanın güclü, qüdrətli və inkişaf etmiş ölkəyə çevrilməsi istiqamətində yürütdüyü siyasəti birmənalı şəkildə dəstəkləyirik.  Cənab Prezidentin ətrafında formalaşan sıx birliyin bundan sonra qorunub saxlanmasına,  Azərbaycanın qarşısında duran  hədəflərə  nail olunmasında  dəstəyimizi verməkdə davam etməliyik. Yalnız birliyimiz nəticəsində bütün hədəflərimizə nail ola bilərik.

Vətəndaş Birliyi Partiyasının  sədri, deputat Sabir Hacıyev



Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...