Qapalı məkanlarda siqaret çəkmək hüquqi məsuliyyət yaradır. 

Bildiyimiz kimi Azərbaycanda İnzibati Xətalar Məcəlləsinin "Tütün məmulatlarının istifadəsinin məhdudlaşdırılması haqqında" qanunla qapalı məkanlarda siqaret çəkmək qadağan edilib.

Həmin qanuna görə, qapalı yerdə tütün çəkilməsinə görə həm ondan istifadə edən, həm də bu hadisəyə icazə verən məkan sahibini böyük məbləğdə cərimə gözləyir.  

Bəzən  əsasəndə restoran və kafelərdə elektron siqaretlərdən istifadə olunmasına şahid oluruq. 

Bəs maraqlıdır ki, tütünün qadağan olunduğu qapalı yerlərdə elektron siqaret istifadə olunmasına icazə varmı?

 Məsələ ilə bağlı hüquqşünas Şamil Paşayev  Ednews-a açıqlamasında bildirib ki, İnzibati xətalar məcəlləsinin  212.1-ci maddəsində  “Tütün məmulatlarının istifadəsinin məhdudlaşdırılması haqqında” Azərbaycan Respublikasının Qanunu ilə qadağan edilmiş digər yerlərdə tütün çəkməyə görə otuz manat məbləğində cərimə edilməyi ilə bağl qərar nəzərdə tutulub.

“Göründüyü kimi bu maddədə konkret olaraq tütündən istifadə məsuliyyət yaradır. Elektron siqaret dediyimiz həmin cihazların əksəriyyəti tütündən istifadə olunmadan hazırlanır. Onların tərkibində tütün yoxdur ( müxtəlif yağlardan ibarət  kimyəvi tərkib var). Ona görə də cəmiyyət bunu qəbul edir. Amma, əslində tütün məmulatı dedikdə- tütün yarpağından və onun komponentlərindən hazırlanmış, tərkibində nikoyin və aktiv alkoloid, o cümlədən kanserogen maddələr   olan  və nikotinə aludəçilik yaradan məhsul (siqaretlər, papiroslar siqarlar,siqarillalar çubuq tütünü və.s)  başa düşülür. Bundan başqa bütün növ qəlyanlar və elektron siqaretlər də bu qanunun təsir dairəsində tütün məmulatlarına bərabər tutulur”.

Onun sözlərinə görə, elektron siqaret və qəlyan istifadə edənlər də buna görə cəzalana bilər.

“Buna şərait  yaradan vəzifəli, hüquqi şəxslər də tütün məmulatlarının istifadəsinin məhdudlaşdırılması haqqında” Azərbaycan Respublikasının Qanunu ilə qadağan edilmiş yerlərdə (tütün çəkmək üçün təşkil edilmiş xüsusi yerlər istisna olmaqla) tütün çəkilməsinin qarşısının alınmamasına görə - vəzifəli şəxslər beş yüz manat məbləğində, hüquqi şəxslər min iki yüz manat məbləğində cərimə edilir”.

Hüquqşünas həmçinin onu da qeyd edib ki, burada insanları bu cərimənin olması ilə bağlı maarifləndirmək lazımdır.

Ayan Rzayeva