Qış fəsillərində qrip, pnevmaniya kimi bir çox xəstəliklərə daha çox rast gəlinir. Ancaq soyuq havalar bu xəstəliklərin inkişafı ilə yanaşı, ürək sağlamlığına da öz mənfi təsirini göstərə bilər.
Ednews türk mediasına istinadən xəbər verir ki, Diyarbakırın Kardiologiya Mütəxəssisi Dr. Raif Kılıç qış aylarında ürəyin bədəndəki istiliyi saxlamaq üçün daha çox səy göstərdiyini və bu səbəbdən ürək nahiyəsinin daha çox yorulduğunu bildirib.
O, həmçinin soyuq fəsillərdə ürəyi qidalandıran damarların kiçilməsi səbəbindən onun kifayət qədər oksigen almadığını deyib. O bunun ürəkdən qaynaqlanan sinə ağrısı və infarkta səbəb olacağını da vurğulayıb.
“Pasientlərimizə qalın və yun paltar geyinməyi, soyuq havalarda mümkünsə çölə çıxmamağı, şərf taxmağı, əsas da baş nahiyəsini qorumalarını tövsiyə edirik. Qış aylarında qrip və sətəlcəm kimi xəstəliklərin ürək problemi olan insanlara da mənfi təsir etdiyini vurğulayan Kılıç, bu xəstələrə mütləq qrip və sətəlcəm peyvəndinin vacibliyini bildirib. Bundan əlavə, qripdə istifadə etdiyimiz dekonjestanlar (burun tıxanıqlığına qarşı preparat) dediyimiz maddələr olan dərmanların istifadəsi ürək sağlamlığına da mənfi təsir göstərə bildiyindən xəstələrimizə bu cür dərmanlardan istifadə etməmələrini tövsiyə edirik”.
Ayan Rzayeva