Beynəlxalq Avrasiya Mətbuat Fondunun mərkəzi ofisində Beynəlxalq Ərəb dili günü münasibəti ilə tədbir keçirilib.
18 dekabr UNESCO tərəfindən Beynəlxalq Ərəb dili günü elan edilib və 2012-ci ildən etibarən hər il qeyd edilir. Məqsəd BMT-nin bütün rəsmi dillərinin bərabər istifadəsini təşviq etməkdir. 1973-cü il 18 dekabrda BMT Baş Assambleyası Ərəb dilini BMT-nin altıncı rəsmi dili olaraq qəbul edib.
Ednews xəbər verir ki, bu özəl günlə əlaqədar, Beynəlxalq Avrasiya Mətbuat Fondunun dəstəyi ilə “Ərəb dünyası” ilə bağlı tədbir həyata keçirilib. Tədbirdə BAMF-ın prezidenti Umud Mirzəyev, Misir türkoloqu, filologiya üzrə elmlər doktoru, professor Əhməd Sami Elaydi, İlahiyyatçı-şərqşünas Qafar Ocaqlı, AzərTAc-ın ərəb bölməsinin müdiri Şıxəli Əliyev, filologiya üzrə fəlsəfə doktoru, Əlcəzair, İraq, Yəmən kimi ölkələrdə tərcüməçi işləmiş Tofiq Abdullayev, filologiya üzrə fəlsəfə doktoru, ərəbşünas Ülviyyə Hüseynova, fəlsəfə üzrə fəlsəfə doktoru, ərəbşünas İlkin Əlimuradov, Bakı Dövlət Universitetinin ərəb dilli müəllimi Könül Eyvazova, Bakı Dövlət Universitetinin dosenti Heybət Heybətov və media nümayəndələri iştirak ediblər.
Tədbiri giriş sözü ilə U.Mirzəyev açıb. O, əvvəlcə qonaqları salamlayıb. Rəhbəri olduğu Beynəlxalq Avrasiya Mətbuat Fondunun yaranması, fəaliyyət istiqaməti barəsində danışıb. Fondun vətəndaş cəmiyyətinin təşəkkülü, sülhü təbliğ etmə tədbirlərində iştirakı, insan hüquq və azadlıqlarının qorunması sahəsində fəaliyyəti barədə danışan U.Mirzəyev, BAMF-ın missiyası və hədəfləri haqqında qonaqlara geniş məlumat verib.
“Biz istəyirik ki, ərəb dünyasına yönəlik fəaliyyətlərimizi genişləndirək. Bu sahədə həm sizin köməyinizə, həm də dəstəyinizə ehtiyac var. Təşkilat olaraq bu sahədə şərait yaratmağa hazırıq. Gücümüzü, imkanlarımızı birləşdirsək Azərbaycan cəmiyyəti üçün, həm də təşkilat olaraq faydalana bilərik”.
Tofiq Abdullayev çalışdığı ərəb ölkələrindəki fəaliyyətlərindən danışıb. O da bu sahədə boşluqların olduqlarını bildirib. Həmçinin qeyd edib ki, ərəb dili ilə bağlı müxtəlif layihələr həyata keçirmək lazımdır.
Əhməd Sami Elaydinin sözlərinə görə artıq bir müddətdir ki, ərəb ölkələri ilə sıx münasiblər qurmuşuq.
“Düşündüm ki, bu işdə irəliləmək üçün ərəbşünaslara da ehtiyac var. Çünki Ednews saytı 4 dildə yayımlanır və onun bir qolu da ərəb dilidir. Həmçinin BAMF “Əl-Cəzirə” media agentliyi ilə də əlaqəlidir. Biz istəyirik ki, ərəb ölkələri ilə daha yaxından münasibətlər, əlaqələr yaradaq. BAMF-da tədbirlər, təlimlər təşkil edə bilərik”.
Ülviyyə Hüseynova ərəb camiyəsi ilə elmi, pedaqoji faəlliyyətlərindən danışdı. Həmçinin bu sahəyə təklifini də irəli sürdü.
“Son illərdə Azərbaycanda ərəb dili sahəsində müəyyən işlər görməyə çalışıram. Azərbaycan Dillər Universitetində dil mərkəzlərinin sayı getdikcə artır.
“Bir neçə ərəb ölkələrinin səfirliyinə müracitə etmişik ki, Bakı Dövlət Universitetində də “Ərəb araşdırlamarı Mərkəzi” yaratmaq olar. Qətər səfirliyi bu məsələyə isti yanaşır. Keçmiş MDB ölkələrində “Ərəb dili mərkəzi”nin filalı yoxdur. Təkcə Azərbaycanda var. Qazaxıstan istəyir ki, bu məsələ həllini tapsın, amma heç bir nəticə qazana bilməyiblər. Təklif edərdim ki, BAMF-la Bakı Avrasiya Universitetində fəaliyyət göstərən “Ərəbşünaslıq mərkəzi” arasında anlaşma memarondumu imzalansın”.
Tədbirdə İlkin Əlimuradov da çıxış edərək, bildirdi ki, Azərbaycanda ərəb dili barəsində boşluq olduğunu dilə gətirib. Bu barədə dəstək olmağa hazır olduğunu qeyd edib.
“90-cı illərdə İraqda təhsil aldığım zamanda sual vermişdilər ki, hansı ölkədən gəlmisən. Azərbaycandan gəlmişəm deyəndə demək olar 10 nəfərdən 9-u başa düşmürdü. Hətta Azərbaycanın adını ilk dəfə eşitdiklərini deyənlərin şahidi olurduq. Mən də çalışdığım qədər ölkəmizi təqdim etməyə çalışırdım.
Fəaliyyətimizi düzgün istqamətdə qurmalıyıq ki, ərəb dünyasını, dilini Azərbaycanda tətbiq edə bilək. Fəaliyyətimizi daha qabarıq, daha sanballı şəkildə həyata keçirməliyik. Bu istaqamtdə əlimdən gələn hər şeyi etməyə hazıram. Hətta təklif edirəm ki, BAMF-da ərəb dili kursu açılsın və biz ərəbşünaslar olaraq tələbələrə dərs keçək, onları inkişaf etdirək”.
Qafar Ocaqlı, Könül Eyvazova, Heybət Heybətov, Şıxəli Əliyev də təkliflərində yekdil olaraq Beynəlxalq Avrasiya Mətbuat Fondunda ərəb dili ilə bağlı kursun açılmağını, gənc və istedadlı, ərəb dili üzrə oxuyan tələbələri inkişaf etdirməklə bağlı addımların atılmasını təkilf etdilər. Həmçin Ednews saytının ərəb bölməsinin daha da aktiv, ərəb dünyası ilə bağlı məqalələr, araşdırma yazıların dərc olunması ilə bağlı da müzakirələr aparıldı.
Qeyd edək ki, Beynəlxalq Avrasiya Mətbuat Fondu “Əl-Cəzirə”, Misirin nüfuzlu qəzetləri, həmçinin digər ərəb ölkələrinin media orqanları ilə uzun müddətdir ki, əməkdaşlıq aparır.
Oğuz Ayvaz
