Ednews xəbər verir ki, dəyişikliyə əsasən qanunda keçən “qanuni sahibi” sözləri “mülkiyyətçisi” sözü ilə, “sahiblik” sözü “mülkiyyət” sözü ilə əvəz ediləcək. 

Son günlərdə Naxçıvanda bir sıra islahatlar aparılır. Bunun davamı olaraq Muxtar Respublika ilə bağlı sabah daha bir yeni qərara imza atılacağı gözlənilir. 

Bizim.Media Qafqazinfo-ya istinadən xəbər verir ki, bu, Naxçıvan Muxtar Respublikası Daxili İşlər Nazirliyinin ləğvi ilə bağlıdır. 

Artıq bununla bağlı müvafiq tapşırıqların verildiyi bildirilir. Belə ki, Naxçıvan DİN-in əvəzinə Azərbaycan DİN-in tabeliyində Naxçıvan Baş Polis İdarəsi yaradılacaq. 
İdarəyə kimin rəis təyin olunacağına da aydınlıq gəlib. Əldə etdiyimiz məlumata görə, bu postun Suraxanı rayon Polis İdarəsinin rəisi, polis polkovniki Süleyman Nemətova həvalə olunacağı gözlənilir. 

Qeyd edək ki, Süleyman Nemətov Suraxanıdan əvvəl Sumqayıtda polis rəisinin müavini, Qubada isə rəis kimi fəaliyyət göstərib. 

Xatırladaq ki, son bir ayda Naxçıvanın həm Dövlət Təhlükəsizliyi Xidməti (DTX), həm də Dövlət Gömrük Komitəsi ləğv edilərək müvafiq olaraq Dövlət Təhlükəsizliyi Xidmətinin Naxçıvan Baş İdarəsi və Naxçıvan Baş Gömrük İdarəsi yaradılıb.