Xankəndi sakini ermənilərin Xankəndidə necə məskunlaşdıqları barədə faktlardan danışıb və qeyd edib ki, ermənilər bu şəhərə hiylə yolu ilə köçürülüblər. O, bu barədə Ednews-a açıqlaması zamanı deyib.
“Vaxtilə Xankəndində 7 ağa yaşayıb. Bu ağalar bir İran ermənisini nökər kimi işə götürüblər. Həmin erməni də öz ailəsini, qohumlarını buraya gətirib. Daha sonra rusların erməniləri Xankəndinə köçürməsi ilə bu onların sayını daha da artıb”.
Xankəndi şəhərinin sıx meşəlikdən ibarət olduğunu vurğulayan Zahid Əlişov bildirib ki, vaxtilə oraya giriş yox idi.
“Ermənilər meşədəki ağacları məhv edərək Xankəndiyə giriş ediblər. Hətta sonradan ermənilər Xankəndinə özlərindən ad da qoyublar. Ruslar şəhərdə bazar açmaqla erməniləri bura köçürüb. 1982-ci ildə 17 minə yaxın azərbaycanlı burada qeydiyyatda idi və İki -üç min azərbaycanlı da qedydiyyatsız olaraq burada yaşayırdı. Ermənilər Xankəndidə əhalini siyahıya alanda 3550 nəfər azərbaycanlının burada yaşadığını göstəriblər. Həmin çöldə qalmış ermənilərdir ki, Rusiya və Fransanın hesabına gəlib ora yığışıb bizimlə torpaq davası edirlər”.
O həmçinin qeyd edib ki, biz orada öz torpaqlarımızı qoruyuruq, haqqımızı da tələb edirik.
“Bu insanlarda bir həya da yoxdur. Maraqlıdır ki, onlar nəyin davasını edirlər. Azərbaycanlılar hər zaman qonaqpərvər hər kəsə yardım edən biri kimi yadda qalmışıq. İndi kimsə ora gəlib camaatı mitinqə çağırır. Vaxtı ilə özünə yurd-yuva tapmayanlar başqa torpaqlarda məskən salıb belə həyasızlıq edirlər. Heç bir dövlətin ixtiyarı yoxdur ki, bizim ərazimizə sərbəst şəkildə giriş-çıxış etsinlər. Əgər buna hər hansı ölçü götürülməsə hər cür tədbir görüləcək”.
Xankəndi sakini hazırda Şuşa- Laçın yolunda ekoloji terrora qarşı gənclərin aksiyalarını alqışladığını vurğulayıb.
“Hazırda Şuşa-Xankəndi yolunda davam edən aksiyada göstərdikləri fədakarlıqdan dolayı onlarla fəxr edirik. Koçaryan, Sarksyan kimi şərəfsizlərin ucbatından bu xalq öz yurd-yuvalarından didərgin olub”.
Ayan Rzayeva