Ölkədə siqaret aludəçiliyinə dair vəziyyət heç də ürəkaçan deyil. Belə ki, son vaxtlar, azyaşlılar arasında siqaretə meyillilik artıb. Bəs bu nə ilə əlaqəlidir?
Ednews-a danışan psixoloq Fərqanə Mehmanqızının sözlərinə görə, çıxış yolu evdə mütəmadi olaraq siqaretin mənfi təsirləri haqqında söhbətin getməsidir. “Ümumiyyətlə uşaqlar nəzarət altında olmalıdır. Uşaq və valideyn daima əlaqə də olub, söhbət etməlidir. Valideyn ilk növbədə uşağını tanımalıdır. Elə ki, valideyn uşağını tanısa onun siqaretə meyilli olub-olmadığını tez anlayar. Mütəxəssis vasitəsilə bu meyillilik aradan qaldırıla bilinər”.
Psixoloq onu da qeyd edib ki, məktəblərdə də aidiyyatı qurumlar buna nəzarət etməlidir. Məktəbin divarlarına divar kağızı vurulub, tez- tez social roliklər göstərilməlidir.
“Tənəffüs vaxtı siqaretin zərərləri haqqında lent qoyub, azyaşlıları maarifləndirsinlər. Daha sonra səs yazısı ilə etika, ictimai mühitdə özünü aparma davranışları, siqaret, alkoqol və narkotik ilə bağlı mübarizə haqqında səs yazısını mütəmadi olaraq dinlədikdə süura təsir edir”.
Məsələ ilə bağlı Bakı Şəhər Baş Polis İdarəsinin mətbuat xidmətinin rəhbəri Elşad Hacıyev bildirib ki, Respublika ərazisində bu miqyasda 15 mindən artıq orta, Ali və qeyri-hökumət təşkilatları, eləcə də Vətəndaş cəmiyyəti üzvlərinin jurnlalistlərlə keçirilən görüşlərdə bu fakt əsas olaraq vurğulanıb ki, azyaşlıların zərərli vərdişlərdən xüsusi ilə tütün məmulatları ilə bağlı maariflənmə işinin təşkili diqqət mərkəzində saxlanılması təyin olunub.
“Respublika ərazisində bu işlə məşğul olan şəxslə bağlı xüsusi ilə ticarət mərkəzlərinin, ictimai iaşə obyektlərinin sahiblərinə müvafiq xəbərdarlıq edilir. Bu xəbərdarlıqların əsas məqsəd tütün məmulatları ilə bağlı istifadənin qarşısının alınmasında azyaşlıları çəkindirməkdir”.
Aynurə İsmayılqızı