Son günlər vətəndaşlar qeyri-qida məhsullarında olan kəskin qiymət artımından şikayətlənirlər. Belə ki, onlar bildirirlər ki, bu məsullarda iki qat  qiymət artıb. Əvvəllər  qiyməti 3 manata olan antiperesparantlar  indi 5 manatdan bahadır. Şampunların qiyməti 5 manatdan 9 manata kimi qalxıb. 

Maraqlıdır ki, bu qeyri-qida məhsullarının  artımına səbəb nədir? 

“Əsas səbəb bir çox məsələlərdə olduğu kimi  yerli istehsalın olmamasıdır. Biz bir çox  qeyri-ərzaq məhsullarında  xarici ölkələrdən 100% asılıyıq”. 

Bu sözləri Ednews-a açıqlamasında iqtisadçı-ekspert  Natiq Cəfərli bildirib. 

Onun sözlərinə görə  bir çox şirkətlər  keçən  ilə nisbətən inflyasiyanın  yüksək olduğunu nəzərə alaraq  dekabrdan başlayaraq dünyada öz məhsullarının qiymətində müəyyən artım edirlər.  

“Həmin şirkətlər  xərcləri hesablayarkən  logistika xərclərinin artdığını görərərk məhsulların topdansatış  qiymətlərini də artırırlar.  Bu sahədə yüz faiz asılı olan ölkə olduğumuza görə həmən  bizim bazara təsirini göstərir.  Bu bir qlobal  məsələdir”.  

O həmçinin qeyd edib ki, digər  daxildə həll etməli olduğumuz məsələdən biri də  vergi və gömrük məsələsidir.

“Təəssüf ki, bununla bağlı ciddi addımlar atmır. Ölkədə istehsalı olmayan amma vacib  olan gigiyenik məhsullardan   yüksək gömrük rüsumlarının alınnmasının mənası yoxdur.  Gömrük rüsumları və   vergi dərəcələri də yüksək olduğu üçün  qiymət artımına təsir göstərən əsas amillərdəndir”.