Bir neçə dəqiqə əvvəl sayca 67-ci "Avroviziya" beynəlxalq mahnı müsabiqəsinin yarımfinal bölgüsü üçün püşkatma mərasimi baş tutub.
Ednews xəbər verir ki, mərasim, İngiltərənin Liverpul şəhərində yerləşən St. George konsert salonunda keçirilib.
Püşkatmanın nəticəsinə görə ölkəmiz müsabiqənin ilk yarımfinalında ikinci hissədə çıxış edəcək.
Birinci yarımfinalda iştirak edən ölkələrdən əlavə olaraq isə Almaniya, Fransa və İtaliya səsvermədə iştirak edə biləcək.
Qeyd edək ki, yarışmada Azərbaycanı təmsil edəcək ifaçının adı hələ açıqlanmayıb. Yarışmanın yarımfinalları 9, 11 may, böyük finalı isə 13 mayda baş tutacaq.
