Xəbər verdiyimiz kimi, bu gün, fevralın 2-si Azərbaycanda Gənclər Günü kimi qeyd olunur.

1997-ci il fevralın 1-də Ümummilli lider Heydər Əliyev 2 fevral tarixinin Azərbaycan Gəncləri Günü elan edilməsi haqqında sərəncam imzalayıb.  

Hazırda bütün sahələrdə olduğu kimi Milli Məclisdə də deputatlar arasında yetərincə gənc nəslin nümayəndələri var.

Ednews sizə parlamentdə təmsil olunan gənc deputatların siyahısını tədqim edir:

Ağazadə Əminə Həmid qızı - 57 saylı Kürdəmir seçki dairəsindən seçilib. O,  1980-ci il martın 26-da Bakı şəhərində anadan olub. Bakı Dövlət Universitetinin Hüquq fakültəsini, eləcə də Cinayət hüququ, cinayət prosesi, kriminalistika və məhkəmə ekspertizası ixtisası üzrə magistr pilləsini fərqlənmə diplomları ilə bitirib.  

Cəfərov Kamal Xaqani oğlu - 63 saylı Sabirabad seçki dairəsindən deputatdır. O, 1989-cu il dekabrın 15-də Bakı şəhərində anadan olub. Bakı Dövlət Universitetinin Hüquq fakültəsini, Azərbaycan Respublikasının Prezidenti yanında Dövlət İdarəçilik Akademiyasının Dövlət və bələdiyyə idarəetməsi ixtisası üzrə magistr proqramını, London Kral Universitetinin Beynəlxalq vergi hüququ üzrə magistraturasını, Vyana şəhərində Beynəlxalq Antikorrupsiya Akademiyasının Antikorrupsiya elmləri üzrə magistr proqramını fərqlənmə diplomları ilə bitirib.   Namizədliyini Yeni Azərbaycan Partiyasından verib.

Həsənov Nurlan Urfan oğlu - 99 saylı Şəmkir kənd seçki dairəsindən 

1988-ci il fevralın 3-də Şəmkir şəhərində anadan olub. Bakı Dövlət Universitetinin Hüquq fakültəsinin bakalavr pilləsini və Almaniyanın Bremen Universitetinin Hüquq fakültəsinin Alman hüququ və müqayisəli hüquq ixtisası üzrə magistr pilləsini bitirib.

Musayev Elşən Məmmədhənifə oğlu - 1979-cu il avqustun 11-də Oğuz şəhərində anadan olub. Bakı Dövlət Universitetinin Beynəlxalq hüquq və beynəlxalq münasibətlər fakültəsinin Beynəlxalq hüquq ixtisası üzrə bakalavr və magistr pillələrini bitirib. İngilis, rus və alman dillərini bilir. 

Arpadarai Nigar Cavid qızı - 29 saylı Səbail seçki dairəsindən Nigar Arpadarai  1982-ci il yanvarın 17-də Bakı şəhərində anadan olub. Bakı Dövlət Universitetinin Beynəlxalq hüquq fakültəsinin Beynəlxalq hüquq ixtisası üzrə bakalavr və magistr pillələrini bitirib. Rus və ingilis dillərini bilir.

Həmzəyeva Ülviyyə Tapdıq qızı - 6 saylı Culfa-Babək seçki dairəsindən deputatdır.

O, 1982-ci il aprelin 30-da Naxçıvan Muxtar Respublikası Babək rayonunun Şəkərabad kəndində anadan olub. Naxçıvan Dövlət Universitetinin İncəsənət fakültəsini, eləcə də Pedaqogika nəzəriyyəsi və tarixi ixtisası üzrə magistr pilləsini fərqlənmə diplomları ilə bitirib. Azərbaycan Respublikasının və Naxçıvan Muxtar Respublikasının əməkdar rəssamıdır. Mənsub olduğu partiya Yeni Azərbayan Partiyasıdır.

Hacıyev Emin Məcid oğlu - 43 saylı Sumqayıt dairəsindən seçilib. 

O, 1982-ci il fevralın 13-də Sumqayıt şəhərində anadan olub. Azərbaycan Dövlət İqtisad Universitetinin Beynəlxalq iqtisadi münasibətlər fakültəsini, Rusiya Xarici İşlər Nazirliyi yanında Diplomatiya Akademiyasını bitirib. İqtisad elmləri üzrə fəlsəfə doktorudur. Tərəqqi medalı ilə təltif edilib. Rus və ingilis dillərini bilir. Yeni Azərbaycan Partiyasının deputatıdır

Ayan Rzayeva

• Tag:
• Milli Məclis