Türkiyədə baş vermiş zəlzələ ilə bağlı qardaş ölkəyə yollanan Azərbaycanın Fövqəladə Hallar Nazirliyinin (FHN) əməkdaşlarını daşıyan təyyarə Adana şəhərinə çatıb.
Ednews xəbər verir ki, FHN əməkdaşlarını daşıyan təyyarə Şakirpaşa Hava Limanına eniş edib.
Daha sonra FHN əməkdaşları xilasetmə işləri ilə bağlı zəlzələnin baş verdiyi ərazilərə yollanacaq.
***
12:22
Azərbaycan Respublikasının Fövqəladə Hallar Nazirliyinin (FHN) əməkdaşları Türkiyəyə yola düşür.
Ednews xəbər verir ki, Azərbaycan Prezidenti İlham Əliyevin tapşırığı ilə FHN-nin 370 nəfərlik heyəti qardaş Türkiyəyə yardım üçün yola düşür.
Qeyd edək ki, fevralın 6-da səhər saatlarında Türkiyədə güclü zəlzələ olub. Nəticədə 284 nəfər ölüb, 2323 nəfər yaralanıb. 1710 bina dağılıb.
