"İranda 900-ə yaxın məktəbli qız zəhərlənib"
Ednews "Azad İran" teleqram kanalına istinadən xəbər verir ki, bu barədə "Tabnak" saytı məlumat verib.
İran parlamentinin Milli Təhlükəsizlik və Xarici Siyasət Komissiyasının üzvü Şəhriyar Heydəri ölkədə son günlər məktəbli qızların zəhərlənməsi ilə bağlı şok açıqlama verib:
“İndiyə qədər ölkənin müxtəlif əyalətlərindən 900-ə yaxın şagird zəhərlənib. Hesab edirəm ki, İslam Şurası Məclisinin sədri Milli Təhlükəsizlik və Xarici Siyasət Komissiyasına bu məsələni kəşfiyyat orqanları, habelə Səhiyyə və Təhsil nazirliklərinin məsul şəxsləri ilə birlikdə araşdırması ila bağlı tapşırıq versin. Bu problemin mənbəyi qısa vaxtda müəyyən edilməlidir ki, insanlarin narahatlığına son qoyulsun”, deyə Ş.Heydəri qeyd edib.
