Xəbər verdiyimiz kimi, Bakıda 70 yaşlı coğrafiya müəllimi Zümrüd Rəhimova intihar edib. Hadisə Suraxanı rayonu, Hövsan qəsəbəsində yerləşən bina 10A ünvanında baş verib.
Zümrüd Rəhimovanın intiharı ilə bağlı bəzi təfərrüatlar məlum olub.
Ednews-un əldə etdiyi məlumata görə, intihar edən Zümrüd Rəhimova Mehdi Mehdiyev adına 280 saylı tam orta məktəbdə müəllim kimi fəaliyyət göstərib. Zümrüd müəllim 4 il əvvəl əmək fəaliyyətini dayandırıb, təqaüdə çıxıb. Şagirdlərinin dediyinə görə hər zaman, gülərüz, mehriban biri olub. O, 14 mart 2023 cü ildə 9-cu mərtəbədən özünü ataraq intihara cəhd göstərmiş, lakin 7-ci mərtəbədəki dəmir parçadan 30 dəqiqədən çox asılı qalmışdır.
Hadisə şahidlərinin Ednews-a verdikləri məlumata görə, sakinlər binanın aşağısında müəllimə mələfə açıb kömək etməyə çalışsalar da onu tutmağı bacarmayıblar. Zümrüd hadisə yerindəcə dünyasını dəyişib. Qonşular bildirirlər ki, FHN yanğınsöndürmə məntəqəsinin əraziyə 5 dəqiqə məsafədə yerləşdiyinə baxmayaraq, hadisə yerinə zamanında gəlib çıxmayıblar.
Bəs, 70 yaşlı müəllimi intihara məcbur edəcək nə idi?
Sakinlərin bildiriblər ki, müəllim son zamanlar, öz övladlarından gileylənib, onların öz analarına baxmadığından, onu çox incitdiyindən, bədənində olan şiddətli ağrılardan bəhs edirdi. Sabiq müəllimin, 2 qız övladı var idi. Onlardan biri ailəsindən ayrılmışdı. Mərhumun qonşularının dediyinə görə Zümrüd Rəhimovanın qızı narkotik istifadəçisidir. Hadisə zamanı onun da evdə olduğu bildirilib.
Məsələ ilə bağlı Fövqalədə Hallar Nazirliyi ilə əlaqə saxladıq. Qurumdan verilən məlumata görə, hadisə ilə bağlı araşdırma aparılır.
Rübabə Kazımlı