Tərtərin Talış kəndinə qayıdan ailələr 30 ildən sonra ilk dəfə Novruz bayramını doğma vətəndə qeyd ediblər.
Ednews xəbər verir ki, Talış kəndi sakinləri kənd mərkəzində bayram tonqalı yandırıb ətrafına toplaşaraq, musiqi sədaları altında rəqs ediblər.
Daha sonra kənddə Novrus atəşfəşanlığı olub.
Qeyd edək ki, Tərtər rayonunun Talış kəndi 3 oktyabr 2020-ci il tarixində Azərbaycan Respublikası Silahlı Qüvvələri tərəfindən Ermənistan işğaldan azad edilib. İşğal dövründə dağıdılmış kənddə bərpa-quruculuq işləri görülüb və mart ayının 16-dan kəndə ilk köç başlayıb.
