Son zamanlar taksi sürücülərinin qeyri-etik hərəkətləri ictamiyyət arasında böyük narazılıqlara səbəb olub. Bir çox əsasən zərif nəslin nümayındələri taksi sürücülərin onlara əxlaqsəz təklifləri barədə şikayətçidir. Hətta sürücülərin bəzən narkotik maddə aludəçisi olduğu da qeyd olunur.
Bildiyimiz kimi Azərbaycanda bir çox taksi xidməti təklif edən şirkətlər fəaliyyət göstərir. Bəs, taksi xidmətlərinə götürülən sürücülər hansı kriteriyalara uyğun seçilir və hansı yoxlamalardan keçirlər?
Məsələ ilə bağlı Ednews-a danışan nəqliyyat eksperti Aslan Əsədov qeyd edib ki, müəyyən olunmuş yaş həddinə çatmış, sağlamlıq cəhətdən sürücülüyə yararlı, yol hərəkət qaydalarını bilən, sürmə vərdişi və sürücülük vəsiqəsi olan hər bir fiziki şəxs Azərbaycan Respublikasının ərazisində nəqliyyat vasitələrini idarəetmə hüququna malikdir.
Ekspert bunuda xüsusi qeyd etdi ki , işə götürülən zaman xüsusi kriteryalar tələb olunmur yalnız bu sənədlər işə götürələrkən tələb olunur:
- Sürücülük vəsiqəsi
- Fərqlənmə nişanı
- Təxmini 1 il sürücülük təcrübəsi
- Məhkumluq haqqında arayış
Ekspert qeyd edib ki, işə götürülənlər “Nəqliyyatı Haqqında qanuna” və Nazirlər Kabinetinin 71 saylı qərarına əsasən hər bir avtomobil reysdən qabaq texniki baxışdan, onun sürücüsü də tibbi baxışdan keçməlidir.
“Qanunvericiliyə əsasən bunların məsuliyyəti daşıyıcıların üzərinə qoyulub. Daşıyıcılar da iki yerə bölünür, fərdi taksilər və şirkətlər. Çox təəssüf ki, qanunvericiliyin həmin müddəası real icra olunmur. Səbəbi bu sahənin nəzarətsiz qalmasıdır. İstər Bakıya, istərsə də rayonlara baxsaq görərik ki, istismara ən yararsız olan maşınlar da taksi fəaliyyəti ilə məşğuldurlar. Taksi şirkətləri xidmətə götürdükləri sürücünü də, avtomobili də tam yoxlanışdan keçirməlidir. İctimai nəqliyyatın bir növü kimi həm sərnişinlərin təhlükəsizliyi, həm qəzalardan nisbətən sığortalanmaq, həm də kompensasiya ödəməkdən qurtulmaq üçün bunlar vacibdir”.
Məsələ ilə bağlı BOLT taksi şirkətinə sorğu ünvanladıq. Çox təssüflər olsun ki, sürücülərin işə götürüldükdə yoxlamadan keçib-keçməməsi haqqında verdiyimiz suallar şirkət rəsmisi tərəfindən cavabsız buraxıldı.
Aytac