“Bu gün burada - Azərbaycan torpaqlarında dayanmaq mənim üçün böyük bir şərəfdir”.
Ednews xəbər verir ki, bu sözləri Heydər Əliyevin 100 illiyinə həsr olunmuş ağacəkmə kampaniyasında iştirak edən “Sülhün Kökləri” Qeyri Hökumət Təşkilatının təsisçisi və baş icraçı direktoru Heidi Tomas Kuhn deyib:
“Bu gün bu ölkənin Milli Qəhrəmanı və Lideri olan Prezident Heydər Əliyevin 100 illik yubileyi qeyd olunur və hazırda burada, bu torpaqlarda birgə dayandığımız digər qəhrəmanlar da var, onlar ANAMA-nın komandasıdır. Dünən biz onlarla- ANAMA komandası ilə Qarabağın minalanmış sahələrini gəzdik. Biz bunu bir vaxtlar gözəl bir diyar olan Qarabağın necə xarabalığa çevrildiyini görmək üçün həmin yerlərə ayaq basdıq. Və bu gün həyat hədiyyəsini görmək mənim ruhumu yenilədi. Həqiqətən də dünya “Mina sahələrindən üzüm bağlarına” bu cür çevrilə bilir və Azərbaycan xalqının torpağı və ruhu müharibənin ən dəhşətli dağıntılarına məruz qalan dünyaya məhz bu cür nümunədir. Və bu gün Analar günü qeyd olunur. Mənim dörd övladım, altı nəvəm var. Mən əzizlərini, və minalar üzündən övladlarını itirmiş anaların həyatının necə viran olduğunu təsəvvür edə bilmirəm. Mən bu gün Azərbaycanda bu qeyri-adi həfdədə ayaq üstə duraraq bu gün milli qəhrəmanın, Azərbaycanın milli prezidentinin şərəfinə və amerikalı bir ana olaraq “Minalardan üzümlüklərə” devizi altında xarablıqlara gözəlliklərə çevirmək və bu yer üzünü yeniləməyə çağırıram.”
“Bu gün insanlar ümid hissini, laqeydlik hissini itiriblər, biz Ukraynaya baxırıq və mən bir il əvvəl burada olduğum vaxtdan və indiyə doğru Ukraynanın 30% ərazisinin minalanmış olduğunu görürük. Düşünürəm ki, bugün dünyanı bu kampaniyaya qoşulmağa çağırmaq üçün bir fürsətdir. Bahar fəslidir. ANAMA və BAMF-ın bu möhtəşəm üzvləri, Beynəlxalq Avrasiya Mətbuat Fondu və dostlarım, əziz dostum Umud Mirzəyev və eyni zamanda ANAMA-nın baş direktoru cənab Vüqarla birlikdə dünyanı bu aksiyaya qoşulmağa səsləməyin vaxtıdır.
H.T.Kuhn dünyaya səsləndi:
“Bu gün gəlin dünyaya çağırış etmək üçün bu fürsətdən istifadə edək. Qoy onların qılınclarını şum tirinə, nizələrini budama qarmaqlarına çevirək ki, millət millətə qarşı qılınc qaldırmasın. Onlar da daha müharibə etməsinlər. Ümid edirəm ki, siz minaları üzüm bağlarına çevirmək və bu yer üzünü bəlaya salan məkrli 100 milyon minadan təmizləmək üçün qlobal çağırışda mənimlə olub, mənə qoşulacaqsınız. Bu, problemin yalnız yarısıdır, çünki biz onu bərpaedici kənd təsərrüfatı ilə əvəz etməliyik və yer üzü üçün çalışmalıyıq. Bu gün əkmək şərəfinə layiq görüldüyüm bu ağacların hər biri yer üzünə karbon borcunu ödəyəcək və dünyanın əziyyət çəkdiyi iqlim böhranını bərpa edəcək. Xanımlar və cənablar, biz minaları təmizləməklə insanlığın torpağını və ruhunu sağaltmış oluruq. Yer üzündə “Sülhün köklərini” əkməkdə elə indicə mənə qoşulun”.
Oğuz