Xəbər verdiyimiz kimi, Azərbaycanda səfərdə olan “Sülhün Kökləri” (“Roots of Peace”) təşkilatının rəhbəri Heidi Kühn “Dünya Ərzaq Mükafatı” laureatına layiq görülüb.
Ednews xəbər verir ki, keçirilən ziyafətdə BAMF prezidenti Umud Mirzəyev, ANAMA-nın İdarə Heyətinin sədri Vüqar Süleymanov, millət vəkilləri, bir sıra beynəlxalq təşkilatların nümayəndələri, institut rəhbərləri, səfirlik nümayəndələri və digər qonaqlar iştirak edib.
Tədbirin gedişatında Beynəlxalq Avrasiya Mətbuat Fondunun prezidenti Umud Mirzəyev xanım Heidini mükafata layiq görülməsi münasibəti ilə təbrik edib:
“Sülhün Kökləri” təşkilatının rəhbəri olduğum BAMF-la əməkdaşlığından çox xoşbəxtəm. Heidi xanım Azərbaycanın yaşadığı mina problemini dünyaya çatdırmaq üçün böyük işlər aparır. Onun gördüyü işləri təqdir edirəm. Mükafat qazandığına görə də sevincliyəm”.
Heidi Khün səmimi dolu ziyafət axşamından məmnun olduğunu dilə gətirib. O, həmçinin təsisçisi olduğu “Sülhün Kökləri” təşkilatından, missiyasında, məqsədlərindən və xərçəng xəstəliyi ilə mübarizəsindən də danışıb. Minadan zərərçəkən insanları gördüyündən dolayı ovqatının pis olduğunu və bununla bağlı işlərindən də söz açıb.
Millət vəkili Qənirə Paşayeva da öz növbəsində Heidi xanınmı təbrik edib:
“Mükafat almağınıza görə sizi ürəkdən təbrik edirəm. Qadınlar hər zaman sülh tərəfdaşıdır”.
Q.Paşayeva Milli Məclisdə Heidi xanımı qəbulundan, onunla Qarabağ problemlərindən söhbət etdiklərini qeyd edib:
“Heidi xanım dünyadakı mövcud problemlərə ürək yandırır. Problemlərin həllində yaxından tanış olur. Tanış olduğuma görə çox xoşbəxtəm. Umud Mirzəyevi də ayırca təbrik edirəm. Həm Heidi, həm də Umud müəllimi ədaləti təmis etdiklərinə görə təşəkkür edirəm”.
ANAMA-nın İdarə Heyətinin sədri Vüqar Süleymanov çıxışında bildirdi ki, Heidi Khün Azərbaycanın mina problemini dünyaya çatdırmaqda köməklik göstərib və göstərməkdədir. O, xanım Heidinin gördüyü işləri təqdir edib.
Əməkdar incəsənət xadimi Fəxriyyə Xələfova işğaldan azad edilmiş ərazilərdəki mina terrorundan bəhs edib.
“Mina problemini həll etmək üçün beynəlxalq səviyyəli mütəxəssislər lazımdır. Həll olunması üçün beynəlxalq təcrübə gərəklidir. Heidi xanıma təşəkkür edirəm ki, bu işdə Azərbaycanın yanındadır, ölkəmizə kömək edir, mina problemini dünyaya çatdırmağı bacarır”.
Oğuz
