Yuxusuzluq gün ərzində insan sağlamlığına mənfi təsir göstərir. İnsan gecə normal yuxuya getməyəndə özündə yorğunluq, tükənmə, konsentrasiya pozğunluğu, həddindən artıq əsəbilik kimi simptomlar hiss edir. Nəticədə yuxu problemi olan insanlar zehni və fiziki cəhətdən pis hiss edirlər.
Bundan başqa yuxusuzluq insan da bir çox infeksion xəstəliklərə də yol açır.
“İnsan yuxusuz olduqda bədənin ümumi müqaviməti mütləq şəkildə aşağı düşür. Çünki bədən həddindən artıq yorulur, ətraf mühitə reaksiya verə bilmir”.
Bu sözləri Ednews-a terapevt Rasif Bağırov açıqlaması zamanı bildirib. Həmçinin o, qeyd edib ki, orqanizm zərərli maddələri özündən uzaqlaşdıra, məhv edə bilmədikdə müxtəlif xəstəliklərə yoluxur.
“İnsan yuxusuz, yorğun olduqda yoluxma hallar baş verir. Yəni yuxusuzluğun insanın xəstələnməsində rolu bilavasitə deyil, dolayısı ilədir. Çünki İnfeksiya orqanizmə gəlib normal halda daxil ola bilmir, elə ki, orqanizm zəifləyir infeksiya başlayır özünü inkişaf etdirməyə daha da artmağa.
Orqanizmin özünün içərisində də yəni ağız burun boşluğu, müxtəlif yuxarı tənəffüs yollarında fəaliyyətsiz şəkildə qalmış infeksiyalar orqanizim zəifləyən kimi aktivləşməyə başlayırlar. Ona görə də yuxusuzluğun orqanizmin müqavimətinin aşağı düşməsinə xəstəliklərin yaranmasında rolu böyükdür.
Yuxusuzluq problemlərinə gecələr yuxuya getməkdə çətinlik; gecə yuxudan oyanmaq; erkən yuxudan oyanmaq; gündüz yorğunluq və ya yuxululuq; qıcıqlanma, depressiya və ya narahatlıq; diqqəti cəmləməkdə çətinlik, tapşırıqlara diqqət yetirə bilməmək və ya yadda saxlaya bilməmə; davam edən yuxu narahatlığını və s. nümunə gətirə bilərik”.
Yuxusuzluq üçün nə etməli?
Daimi yuxu cədvəli təyin edin. Eyni yuxu və oyanma vaxtı ilə müntəzəm cədvəl yuxuya getməyinizə və yuxunuz zamanı yaxşı dincəlməyə kömək edə bilər. Yatmazdan əvvəl rahatlamağa və sakitləşməyə çalışın. Parlaq işıqlardan və gərgin idman və ya çətin işlə bağlı problemlər kimi stimullaşdırıcı fəaliyyətlərdən çəkinin. Yatmazdan əvvəl eyni sakitləşdirici və rahatlaşdırıcı fəaliyyətlərə sadiq qalmağa çalışın. İsti duş və ya vanna qəbul edə, gündəliyə qeydlər yaza, oxuya, yüngül uzanma məşqləri və ya yoqa edə bilərsiniz. 2-3 saat əvvəl mavi işıq yayan cihazlardan istifadəni dayandırın. Mavi işıq cib telefonları, planşetlər və kompüterlər kimi elektron cihazlar, həmçinin LED lampalar tərəfindən yayılır. Bir çox cihaz gecə aktivləşdirə biləcəyiniz mavi işıq filtri ilə gəlir. Siz həmçinin mavi işığın qarşısını alan eynəklər ala və elektron cihazlardan istifadə edərkən onları taxa bilərsiniz.
Vəfa Ustayeva
