Fəsillər dəyişdikcə yemək rasionumuza mütləq diqqət etməliyik. Qış aylarında xəmir xörəklərinə üstünlük verilsə də, isti aylarda əsasən bu yüngül tərvəzlər və yağsız ətlərlə əvəzlənir. 

 

Bəs, isti havalarda necə qidalanaq?

 

“Yaz yay aylarında istilərin artmasıyla bakteriyalar üçün istilik, rütubət kimi müəyyən əlverişli şərait yaranır. Belə tempraturda çox qalan riskli qidalar zəhərlənmələrə gətirib çıxarda bilir. Ona görə yaz və yay aylarında qidalanmada maksimum dərəcədə yağlı qidalardan uzaq durmalıyıq”.

 

Bu sözləri Ednews-a açıqlamasında Qida Təhlükəsizliyi üzrə ekspert Ağa Salamov qeyd edib. Onun sözlərin görə, isti havalarda ən çox mövsümi meyvə və tərəvəzlərdən hazırlanmış salatlara, faydalı karbohidratlara üstünlük verilməlidir. 

“Burada da təbii ki, tərəvəz, meyvə salatları , göyərtilər, yüngül içkilər olmalıdır. Ən çox dovğa, doğramac, şorbalar rasiona daxil edilməlidir”.

 

Həmçinin ekspert qeyd edib ki, lifli içkilər - meyvə kompotları, reyhan, tərxun, kəklikotu dəmləmələri içilməlidir.  

 

“Reyhan kompotu ürəyə çox faydalıdır. Kəklikotu kompotunu hazırlıyıb içmək həm immun sisteminin bərpasına gətirib çıxardır, həm də sərbəst radikallara qarşı orqanizm dözümlü olur”. 

 

Ağa Salamov həmçinin qeyd edib ki, faydalı səhər yeməyində mütləq şəkildə yumurta əsasən də kənd yumurtasının olması daha məqsədəuyğundur. 

 

“Naharda qida rasionunu aşmadan  balıq, ət, toyuq məhsulları yemək məqsədə uyğundur. Axşamlar ət məhsullarının istehlakı məshələt görülmür, bir az gec olduğuna görə bu yuxuda da narahatlıq hissləri törədə bilər.  Bu isə təbii ki, ətin gec həzm olunmasından irəli gəlir. Buna görə də axşam balıq, toyuq kimi yüngül zülallı qidalara üstünlük verilməlidir. Qırmızı ət məhsulları həftədə iki dəfə mütləq şəkildə yeyilməlidir. Dəmir, B12 və s. kimi elementlerə görə təbii ki, biz ət, qaraciyər kimi qidaları qida rasionunu aşmamaq şərtiylə yeməliyik”.

 

Vəfa Ustayeva

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary