Xəbər verdiyimiz kimi, iyunun 16-da Avropa İttifaqı (Aİ) və ABŞ Dövlət Departamenti tərəfindən maliyyələşdirilən və Birləşmiş Millətlər Təşkilatının İnkişaf Proqramının (BMTİP) ANAMA, Beynəlxalq Avrasiya Mətbuat Fondu (BAMF) və Minalar üzrə Məsləhət Qrupu (MAG) ilə birgə tərəfdaşlıqla həyata keçirdiyi “Azərbaycan Respublikasının Minatəmizləmə Agentliyinin (ANAMA) imkanlarını artırmaqla məcburi köçkünlərin təhlükəsiz qayıdışına dəstək” layihəsinin açılış mərasimi keçirilib.

Ednews xəbər verir ki, Beynəlxalq Avrasiya Mətbuat Fondunun (BAMF) Tərtər Regional Peşə Təlim Mərkəzində baş tutan açılış mərasimində ANAMA, Aİ, BMTİP, ABŞ səfirliyi, BAMF və MAG təşkilatının nümayəndələri iştirak ediblər. Tədbirdə ANAMA-nın İdarə heyətinin sədri Samir Poladov, BAMF-ın prezidenti Umud Mirzəyev, Avropa İttifaqının Azərbaycan nümayəndəliyinin rəsmisi Oana Yudris, ABŞ Səfirliyinin Siyası məsələlər üzrə müşaviri Filip Tişu iştirak ediblər. 

Beynəlxalq Avrasiya Mətbuat Fondunun (BAMF) rəhbəri Umud Mirzəyev çıxışında qonaqları salamlayaraq bildirdib ki, Azərbaycanda ilk qadın mina təmizləmə qrupları yaradıldı. 

“BAMF olaraq 20 ildən çoxdur ki, mina aksiyası ilə məşğuluq. Bir müddət sonra Azərbaycanda mina aksiyasının başlamasının 25 illyini bayram edəcəyik. 25 il öncə Ulu Öndərimizin imzası ilə Azərbaycanda Mina Təmizləmə Agentliyi yaranmışdı. Növbəti ayın 25-də biz bu tarixi günü qeyd edəcəyik”. 

Tədbirdə Azərbaycan Minatəmizləmə Agentliyinin (ANAMA) İdarə Heyəti sədrinin müavini Samir Poladov da çıxış edib. O, əvvəlcə ANAMA-ın idarə heyətinin adından BAMF-a və qonaqlara təşəkkür edib.

“Bir çox ölkələrdə xanımlardan ibarət mina təmizləmə qrupları mövcud olsa da Azərbaycanda bu vaxta qədər olmayıb. Xanımlara uğurlar arzu edirəm. Bir müddət öncə belə bir qərar verildi ki, Azərbaycanda da belə bir qrup yaradılmalıdı. Biz əminik ki, mina axtaran qruplar öz əməyi, əziyyəti, qayğısı ilə bunu sübut edəcək. Avqsut ayında yenidən və bu dəfə daha təntənəli surətdə toplaşacağıq. Təlimlərin sona çatmasını qeyd edəcəyik”.

Oğuz