Milli Məclisdə keçirilən dinləmələrdə deputat Zahid Oruc Qarabağa “Böyük qayıdış”ın gecikməsinə səbəb olan amillərdən danışıb. O, qeyd edib ki, bu prosesin gecikməsinə bir səbəb təhlükəsizlik və mina problemi olsa da, digər amil inflyasiyadır.
Bəs daxili infilyasiya böyük qayıdışın gecikməsi üçün nə dərəcədə rol oynaya bilər?
Məsələ ilə bağlı Ednews-a danışan İqdisatçı ekspert Nazim Bəydəmirli açıqlamasında qeyd edib ki, prosesin gecikməsinə maneə olan məsələ əslində daha çox təhlükəsizliklə bağlıdır.
“Həm də bu günlər ərzində işğalın yaratdığı fəsadlar həm kommunikaysıya, həm də ölkənin büdcəsi baxımından çox çətindir. Çünki, müharibə nəticəsində dağıdılmış infrastruktların bərpası zaman və maddiyat tələb edir.
Qarabağın yenidən qurulmasında təkcə Azərbaycanın hesabına deyil, əlavə beynəlxalq fondların cəlb edilməsi ilə aradan qaldırılmalıdır”.
Ekspert həmçinin Böyük qayıdış proqramının həyata keçirilməsində inflyasiya faktorundan da danışıb.
“Mən bu işdə inflyasiya arqumentini qəbul etmirəm. Təbii ki, ilk növbədə bizim hərbi qoşunlarımızın yerləşdirilməsi, müxtəlif komminikasiyalrın çəkilməsindən və digər prosseslərin başlanmasından çox keçib. Düşünürəm ki, məskunlaşma davam edəcək və bunu daha da sürətli etmək olar. Azərbaycan beynəlxalq donor təşkilatların, ABŞ, Fransa və Rusiyanın cinayətkar Ermənistanın hərəkətlərinə göz yummaqları səbənindən uzun illər bu iqtisadi rayonumuzda talanlar davam edib. Bu baxımdan böyük dövlətlər də başda olmaqla BMT nin də təşkilatçılığı ilə prosesi sürətləndirmək daha da məqsədə uyğun olardı”.
Kazımlı Rübabə