Qəbələdə dəhşətli qəza baş verib.
Ednews xəbər verir ki, hadisə gecə saatlarında Qaraməryəm-İsmayıllı-Şəki avtomobil yolunun 60-cı kilometrliyində, Nohurqışlaq kəndində qeydə alınıb. Akif Qara oğlu Abdurəhmanovun idarə etdiyi "VAZ-21013" markalı avtomobillə Nəsrullayev Anar Vüqar oğlunun idarə etdiyi "VAZ-2106" markalı avtomobil toqquşub.
Nəticədə hər iki sürücü hadisə yerində həlak olublar.
Daxili İşlər Nazirliyinin mətbuat xidmətinin Şəki regional qrupundan saytımıza bildirilib ki, iki nəfərin ölümü ilə nəticələnən yol-nəqliyyat hadisəsi ilə bağlı cinayət işi başlanılıb.