Hindistanın ölkəmizdəki səfiri Şəkidə səfərdə olub. Səfər çərçivəsində səfir və onu müşayiət edən nümayəndə heyəti şəhər rəhbərliyi ilə görüşüb, Şəkinin tarix-mədəniyyət abidələri ilə tanış olub.
Bizim.Media-nın yerli bürosu xəbər verir ki, səfirə Şəkinin tarixi, iqtisadiyyatı, mədəniyyəti, turizm potensialı barədə ətraflı məlumat verilib.
Bildirib ki, Şəkidə qədimdən ipəkçilik və sənətkarlıq yüksək səviyyədə inkişaf edib. Şəki, həm də qədim tarixi-memarlıq abidələri ilə məşhurdur.
Səfər çərçivəsində səfir Sridharan Madhusudhanan Kiş kəndində Alban məbədi və "Yuxarı Baş” Milli Tarix-Memarlıq Qoruğu ilə tanış olub. Azərbaycan memarlığının nadir incilərindən olan Şəki Xan Sarayı ilə tanışlıq hindistanlı diplomatda böyük maraq doğurub. Diplomat, həmçinin, qoruqdakı şəbəkə emalatxanasına baş çəkib.
Sridharan Madhusudhanan qonaqpərvərliyə görə minnətdarlq edib, Şəkidə olmağından çox məmnun olduğunu bildirib.