“Biz 2022-ci ildə dostumuz Heidi Kühnlə birlikdə, 2022-ci ildə BMT-nin baş katibinə məktub göndərmişik. Məktub mina problemində 18-ci “SDG”-nin qəbul olunması ilə bağlı idi”.
Ednews xəbər verir ki, bu sözləri Beynəlxalq Avrasiya Mətbuat Fondunun Prezidenti Umud Mirzəyev Nobel Sülh Mükafatı Laureatı, professor Məhəmməd Yunus ilə BAMF-ın Bakı ofisində baş tutan görüşü zamanı deyib:
“Azərbaycan 30 il çox böyük acılar yaşayıb və böyük dağıntılar olub. Bir milyon və 200 min insan köç vəziyyətində qalıb. Hazırda Qarabağda bir milyon yarımdan çox mina var. Regiona qayıdacaq insanların sayı isə, təxmini 700 min nəfərdir. Yəni Qarabağda hazırda adam başına iki mina düşür. Bu insanların 400-500 min nəfəri Ermənistandan deportasiya olunub.
Bildimiz kimi BMT-nin 17 “SDG” mina təhlükəsizliyi layihəsi var və biz istəyirik bu 18-ci “SDG” də qəbul olunsun. Mən düşünürəm ki, may ayının axırında böyük mina konfransı keçiriləcək. Əgər vaxtınız olsa, istərdim ki, siz də orada iştirak edəsiniz.
Fikrimcə, biz Bakıda bir “Nobel House” yaradılması haqqında müraciət də edə bilərik. Bunun həm də bir simvolik anlamı var. Çünki, elə Nobel ailəsi əslində həm də mina məsələləri ilə əlaqəldir. Buna görə də may ayında keçiriləcək konfransa qoşulsanız çox yaxşı olar, biz həm də 18-ci “SDG” ilə bağlı yeni bir müraciət də edə bilərik”.
