Azərbaycan Xarici İşlər Naziri Elmar Məmmədyarov erməni həmkarı ilə görüşlə bağlı ABŞ-ın dəvətini qəbul edib. Rusiyanın təşəbbüsündən sonra ABŞ-ın dəvəti bizim diqqətimizi cəlb edir. Mövzu ilə bağlı siyasi ekspert İlqar Vəlizadə Eurasia Diary-ə açıqlama verib.

İlqar Vəlizadə ABŞ-ın Qarabağ danışıqları prosesinə dair mövqeyini təhlil edib. "ABŞ-ın Dağlıq Qarabağla bağlı mövqeyini təhlil etmək üçün daha yaxşı üsul səfirlərin bəyanatlarına nəzər yetirməkdir. ABŞ-ın Azərbaycandakı hazırkı səfiri bu vəzifəyə gəlməmişdən öncə torpaqların Azərbaycana qaytarılması və Qarabağ probleminin mərhələli şəkildə həlli barədə bəyanatlar verib". ABŞ-ın Ermənistandakı keçmiş səfiri Richard Mills "Bu mövzunun Ermənistanda niyə müzakirə edildiyini başa düşə bilmirəm”, deyə bildirib. "Həqiqət isə odur ki, Qarabağ münaqişəsinin istənilən yolla həlli işğal olunmuş ərazilərin bir hissəsinin qaytarılmasına gətirib çıxaracaq".

Danışıqlar zamanı ABŞ-ın passiv iştirakını aydın görə bilərik. Bu, Metyu Brayzanın, Uorlikin twitter diplomatiyasından sonrakı mərhələdə daha aydın görünə bilər. Bütün bunlar ABŞ-ın mövqeyinin dəyişməz olaraq qaldığını göstərir.

Ekspert hesab edir ki, ABŞ-ın Şimali Afrikada və Yaxın Şərqdəki fəaliyyəti Qarabağ danışıqlarında ABŞ-ın passivliyinə bəraət qazandıra bilməz, çünki ABŞ ATƏT-in Minsk qrupunun həmsədridir. Əgər onlar Qarabağla maraqlanmasalar, o zaman Minsk qrupundan çıxarılacaqlar.

Açıq diplomatiyada Xarici İşlər Nazirlərinin görüşlərinin təşkili aktivliyin əsas göstəricilərindən biri sayılır, əsasən burada Rusiya fəal, Fransa isə maraqlı tərəf hesab edilə bilər.

İlqar Vəlizadə erməni lobbisinin digər bir təkzib edilə bilməyən faktor kimi görür. Lobbi ABŞ-ı bəyanatları yerinə yetirməməyə vadar edir. ABŞ-ın Azərbaycandakı səfirlərini seçərkən verdiyi qərarlar zamanı biz lobbinin necə işlədiyini müşahidə etmişik. Biz bunu Metyu Brayzanın seçilməsində də gördük ", deyə ekspert bildirib.

İlk növbədə, ABŞ-ın iclası təşkil etmək qərarı gecikmiş bir addımdır. Müəyyən qərarların verildiyi Moskva görüşündən sonra ABŞ-ın bu təşəbbüsü gecikmiş sayılır.

Siyasi analitik bütün qərarların Moskvada verildiyini düşünür, yəni vətəndaş cəmiyyətlərinin formalaşması, insanların bir-biriləri ilə əlaqə yaratması və s. kimi humanitar fəaliyyətlərin həyata keçirilməsi Rusiyanın nəzarəti altında olacaq.

Təsəvvür edin ki, bina tikiləcək və onun təməli qoyulub və bu təməl Rusiya tərəfindən qoyulub, bu zaman ABŞ da özünü göstərmək və orada iştirak etdiyini sübut etmək istəyir".

“Rusiya ilə sistematik bir format mövcuddur, ABŞ isə yalnız müdaxilə etmək istəyir. Vaşinqton görüşündən ciddi nəticələr gözləmirəm. ABŞ Rusiyaya alternativ kimi başa düşülür və o, Azərbaycan və Ermənistan üçün mediatorların balanlaşdırma üçün bir seçimdir", deyə İlqar Vəlizadə fikrini tamamlayıb.

Müsahibəni götürdü: Ülvi Əhmədli

Tərcümə etdi: Aytən Rəsulzadə