Ukraynalı araşdırmaçı, tarixçi, tanınmış bloqer Filip Ekozyans (milliyyətcə erməni olan) Ermənistan vətəndaşlarına müraciət edib. O, qondarma erməni soyqırımı barədə əsl həqiqəti danışaraq, işğal edilmiş əzəli Azərbaycan torpaqları olan Qarabağı tərk etməyə çağırmışdır. Eurasia Diary müraciətin tam mətnini təqdim edir:

Ermənistanda liderlərin dəyişməsi heç bir şeyi dəyişməyəcək. Seçkilər zamanı xaricdəki erməni diasporu gözəl mənzərələr fonunda 1915-ci il hadisələrindən mübaliğəli tərzdə danışırlar. Bir tərəfdə türk torpaqlarını işğal etməyə, digər tərəfdən isə Bakı daxil olmaqla ona qədər olan əraziləri işğal etməyə çağırırlar və ertəsi gün erməni diasporunun nümayəndələri sövdələşmə bağlamaq, futbol oynamaq, bədii film çəkmək üçün türklərlə və azərbaycanlılarla görüşürlər. Bütün bunları etməyə heç nə mane olmur. Ermənistan Respublikasının problemini nə inqilablar, nə də əks-inqilablar həll edir. Tezliklə ermənilər bunu özləri görəcək. Heç bir dəyişiklik olmayacaq. Bu Marmot günü olacaq.. Artıq baş vermiş bir şey yenidən olacaq. Erməni diasporu çiçəklənir, ancaq Ermənistan Respublikası inkişaf etmir. O, qonşuları ilə iş birliyi qura bilməz, çünki "soyqırım” amili var, çünki “qədim erməni torpaqları işğal altındadır".

Ermənistanda yaşayan, diasporun tərkib hissəsi olmayan erməni həmvətənlərim, Siz qapalı bir yerdəsiniz! Qəfəsdəsiniz və sabah hakimiyyətə kimin gəlməsindən asılı olmayaraq, orada qalacaqsınız.

Qəfəsdən çıxmaq üçün nə etmək lazımdır? Bizim olmayan torpaqları tələb etməyi durdurmalıyıq. Türk xalqının vəhşi və cinayətkar olduğunu deməyi dayandırmaq lazımdır.. Bir şeyi anlayın ki, soyqırım dedikdə bütöv bir xalqın məhv edilməsi nəzərdə tutulur. Başqasına məxsus ərazilərdə yeni bir dövlətin yaradılması uğrunda mübarizəyə bütün ermənilər deyil, yalnız ayrı-ayrı fərdlər qatılmışdı. Onları tapıb mühakimə etmək lazımdır. Düzünü desək, onlar çoxdan tapılıb və mühakimə olunub. Amma bütün türk xalqını soyqırımda günahlandırmaq, axmaqlıqdır!

Doğrudur, mənim çıxışlarımın rəy bölməsində tez-tez, bütün türkləri məhv etməyə çağıran qəzəbli insanların rəylərini görmək olar. Ancaq bu yenə də, bütün millət deyil, ayrı-ayrı fərdlərdir. 1915-ci ildə baş verənləri soyqırım adlandırmaq olmaz. Birinci Dünya müharibəsi oldu, sonra ermənilərin də günahkar olduğu vətəndaş müharibəsi oldu. Düzdür, buradakılar erməni xalqından soruşmadan, Osmanlı imperiyası ərazisində dövlət qurmaq üçün mübarizə aparan bir neçə ideoloq və fəallardan ibarət bir qrup idi.

Bu nəyə gətirib çıxardı? Çox sayda insan həyatını itirdi. Ermənilər, siz - ağıllı xalqsınız! Başa düşün ki, sizi aldadırlar! Əgər mənim 200 milyon dollar və bir neçə televiziya kanalım olsaydı, mən sizin üçün bir neçə ilə Ermənistanda ayrıca bir dövlət təşkil edərdim. Və bu Malakan dövləti olardı. Malakanların Ermənistanda 5000 ildən artıq yaşadığını, onların hər cür vasitə ilə sıxışdırıldığını sübut edərdim. Mütərəqqi dünyadan artıq Ermənistanda yoxa çıxmaqda olan Malakan diasporunu müdafiə etməyi tələb edərdim. Mən malakanların Ermənistanda necə sıxışdırıldığı barədə bütün həqiqətləri, tarixdəki bütün faktları tapıb deyərdim və bunu soyqırım adlandırardım. Mən assimilyasiyaya uğrayan xalq kimi malakanlar barədə film çəkməsi üçün tanınmış bir rejissora pul ödəyərdim.

Və orada tiran bir dövlət tərəfindən nə qədər alçaldıcı bir rəftar gördüklərini göstərəcəm. Və hərəkat başlayanda, insanlar mənim çıxışlarımı və işlərimi dinlədikdə, haqlı və ya haqsız olmağım heç kimə maraqlı olmayacaq. Çünki mən azadlıqdan danışacağam. Bu, isə müasir  cəmiyyətdə müdafiəsinə hər kəsin qalxacağı başlıca meyardır. Əlbəttə ki, məni yalan danışmaqda günahlandıracaqlar, amma bununla nə dəyişəcək?

Ola bilsin ki, bu 1915-ci ildə hazırda nəvələri xaricdə yaşayan və orada dadlı yeməklərlərdən yeyib, əylənən bir qrup ermənilər tərəfindən törədilib. Və onlar eyni zamanda insanları erməniləri soyqırımdan müdafiə etməyə çağırır. Ancaq məhz elə bu özü soyqırımdır!

Mən bütün ailə üzvlərini itirmiş ancaq heç vaxt türklərin bizim düşmənlərimiz olduğunu söyləməyən adamın nəvəsiyəm!

Ermənistanın rifahına gətirib çıxaracaq yeganə yol, türklər və azərbaycanlılarla qardaşlıq münasibətlərinin bərpasıdır. Bunun başqa yolu yoxdur!