X.Reyes “Sevilya”nın uşaq komandasına 10 yaşından qoşulub, birinci komandada isə ilk debütü 16 yaşında olub.

2004-cü ildə ispaniyalı “Arsenal”a keçib və komandaya İngiltərə çempionatını qazanmaqda yardımçı olub. Daha sonra Reyes icarə əsasında Madridin “Real” klubunda çıxış edib. 2007-ci ildə “Arsenal” onu “Atletiko”ya satıb və Reyes bu klubun heyətində iki dəfə Avropa Liqasının qalibi olub. 

2012-ci ildə yarımmüdafiəçi “Sevilya”ya qayıdıb və daha üç dəfə Avropa Liqasının qalibi olub. Onun son klubu I divizion komandası “Estremadura” olub. Yarımmüdafiəçi İspaniya yığmasının heyətində 21 dəfə meydana çıxıb, dörd qol vurub. 2006-cı ildə keçirilən Dünya Çempionatında iştirak edib.