Bakı-2019 Avropa Gənclər Yay Olimpiya Festivalında üzgüçülük yarışları davam edir.

Eurasia Diary-nin məlumatına görə, Azərbaycan yığmasının daha iki üzvü start xəttinə çıxıb.

Oğlanların sərbəst üsulla 400 m məsafəyə mübarizəsində Rəşad Əliquliyev qüvvəsini sınayıb. 15 yaşlı idmançı 4 dəqiqə 19,85 saniyə nəticə göstərib. O, 33 üzgüçü arasında 30-cu yeri tutaraq mübarizəni dayandırıb.

Qeyd edək ki, bu gün daha bir idmançımız Məryəm Şeyxəlizadəxangah qızların 100 m məsafəyə sərbəst üsulla üzmə yarışlarında Festivalla vidalaşıb.

***

Bakı-2019 XV Avropa Gənclər Yay Olimpiya Festivalında üzgüçülük yarışları start götürüb.

Eurasia Diary-nin məlumatına görə, Azərbaycan yığmasının mübarizəyə qoşulan ilk üzgüçüsü Məryəm Şeyxəlizadəxangah olub.

O, qızların sərbəst üsulla 100 m məsafədə qüvvəsini sınayıb. İdmançı məsafəni 58,85 saniyəyə qət edib.

M. Şeyxəlizadəxangah 53 iştirakçı arasında 28-ci yeri tutub. 15 yaşlı idmançı bu nəticə ilə növbəti mərhələyə yüksələ bilməyərək mübarizəni dayandırıb.

Qeyd edək ki, bu gün Azərbaycanın daha iki üzgüçüsü start xəttinə çıxacaq.