Boks üzrə 12 qat dünya çempionu tanınmış şahmatçı ilə oynayacaq | Eurasia Diary - ednews.net

17 Oktyabr,

Boks üzrə 12 qat dünya çempionu tanınmış şahmatçı ilə oynayacaq

İdman A- A A+

Dünyanın bütün dövrlərinin ən məşhur peşəkar boksçularından sayılan, 12 qat dünya çempionu filippinli Mani Pakyao 10 yaşlı Maqnus Karlsenlə şahmat oynayacaq.

EDNews.net Oxu.Az-a istinadən xəbər verir ki, 2016-cı ildən Filippinin senatoru da olan 42 yaşlı “PakMan” ləqəbli Pakyao şahmat üzrə norveçli dünya çempionu Karlsenin 10 yaşda olarkən etdiyi gedişlərdən qurulmuş tətbiqində yarışacaq.

Pakyao oktyabrın 1-də keçiriləcək yarış vasitəsilə “Asiyaya nifrətini durdur” kampaniyası başladıb. O buradan 5 min dollar qazanaraq özünün yaratdığı xeyriyyə fondu vasitəsilə bu pulu xərcləyəcək. Əgər Pakyao qalıb gəlsə, əlavə 50 min dollar əldə edəcək.

Maqnus Karlsen özü bu yarış barədə danışıb: “Əfsanəvi Mani Pakyaonun “Play Magnus” tətbiqində 10 yaşlı bir uşağa qarşı necə yarışacağını səbirsizliklə gözləyirəm. Düzdür, o vaxt dünya çempionu deyildim. Amma artıq gözəl oynamağa başlamışdım. Ona görə də rəqibə çətin olacaq!”

Qeyd edək ki, indiyədək heç bir məşhur sima “Play Magnus” tətbiqində Karlseni məğlub edə bilməyib. Ən uzun yarışan 49 gediş edə bilib.

 

Mətndə səhv varsa, onu qeyd edib Ctrl+Enter düyməsini basaraq bizə göndərin.

EurasiaDiary © Xəbərlərdən istifadə zamanı hiperlinklə istinad olunmalıdır.

Bizi izləyin:
Twitter: @EurasiaAz
Facebook: EurasiaDiaryAzerbaycan
Telegram: @eurasia_diary


Загрузка...