18 yaşadək oğlan basketbolçular arasında Avropa çempionatının C divizionunda oyunların təqvimi açıqlanıb.
Ednews-un məlumatına görə, San-Marinodakı turnirdə 10 komanda iki qrupda mübarizə aparacaq.
B qrupunda yer alan Azərbaycan yığmasının Lüksemburq, Cəbəllütariq, Ermənistan və Moldova ilə görüşlərinin tarixi və başlama saatı dəqiqləşib. İlk turu buraxacaq çempionata iyulun 25-də başlayacaq.
Öncə Lüksemburq, ardınca Cəbəllütariqı sınağa çəkəcək komandamız IV turda Ermənistanla qarşılaşacaq. Serravalle şəhərindəki qrup mərhələsində son rəqib Moldova olacaq.
Hər qrupda ilk iki yeri tutan komanda yarımfinala yüksələcək. A qrupunda Monako, Malta, San-Marino, Albaniya və Andorra mübarizə aparacaq.
18 yaşadək oğlan basketbolçular arasında Avropa çempionatı
C divizionu
B qrupu
II tur, 25 iyul
14:30. Azərbaycan – Lüksemburq
III tur, 26 iyul
19:00. Cəbəllütariq – Azərbaycan
IV tur, 27 iyul
19:00. Azərbaycan – Ermənistan
V tur, 28 iyul
14:30. Moldova – Azərbaycan
